'लोन देतो आमची कोरोना लस घ्या'; गरीब देशांना आपल्याकडे खेचण्यासाठी चीनची नवी खेळी

चीनच्या वुहानमधून पसरलेल्या कोरोनानं जगभरात थैमान घातलं आहे. अशातच आता चीन पुन्हा एक नवी चाल खेळत असल्याची माहिती समोर आली आहे.

याचा फायदा घेऊन चीननं आफ्रिकेतीसह गरिब देशांना एक ऑफर दिली आहे. 'रस्त्यांचं बांधकाम अथवा अन्य कारणांसाठी आम्ही तुम्हाला लोन देतो. त्या बदल्यात तुम्ही चीनमध्ये तयार होणारं कोरोनाची लस घ्या.'

चीनच्या विदेश मंत्र्यांनी त्यांच्या बजेटमधून 700 कोटी रुपये केवळ लोन देण्यासाठी ठेवले आहेत. मेक्सिकोच्या विदेश मंत्र्यांनी दिलेल्या माहितीनुसार या प्रस्तवाबाबत त्यांनी चीनचे आभार मानले आहेत.

आफ्रिकेतील काही देशांमध्ये आणि लॅटीन अमेरिकेतील भागांमध्ये कोरोनाची भयानक परिस्थिती आहे. ही संधी साधून चीन फायदा घेत असल्याची चर्चा सुरू झाली आहे.

आफ्रिकेतील 40 टक्के देश हे चीनकडून कर्ज घेतात. साधारण 140 बिलियन डॉलर कर्ज असावं असं अनुमान आंतरराष्ट्रीय स्तरावर लावलं जात आहे. जगातील 150 देशांना चीननं आतापर्यंत लोन दिल्याचीही चर्चा आहे.

चीनकडून कर्ज घेतलेले देश चीनची लस घेणार का? चीनच्या या नव्या प्रस्तावाचा कोणते देश स्वीकार करणार हे पाहाणं महत्त्वाचं ठरणार आहे.