Ramesh PatilStorm R3 च्या किंमतीबद्दल कंपनीने अद्याप खुलासा केलेला नाही. पण, सूत्रांच्या माहितीनुसार या कारची किंमक 4.5 लाख रुपयांपर्यंत असणार आहे. या साधारण किंमतीवर कार लॉन्च केली जाऊ शकते. असे झाल्यास इतर महागड्या इलेक्ट्रिक कारना बाजारात ही कार मोठी टक्कर देईल. लहान आकार आणि किमतीमुळे हे वाहन लोकांमध्ये खूप लोकप्रिय होऊ शकते. भारतात ही कार नवीन डिझाइनसह लॉन्च केली जाईल जे खूप आकर्षक असेल.
R3 चे बुकिंग बऱ्याच दिवसांपासून सुरु आहे आणि लोक खूप दिवसांपासून त्याच्या लॉन्चची वाट पाहत आहेत. तुम्ही कंपनीच्या अधिकृत साइटवर जाऊन हे वाहन 10,000 रुपयांमध्ये बुक करू शकता. या वर्षाच्या सुरुवातीला बुकिंग उघडल्यानंतर, स्ट्रोमने दावा केला की अवघ्या 4 दिवसांत 750 कोटी रुपयांची वाहने बुक केली गेली.
या वाहनाचे वैशिष्टय़ म्हणजे ते तीन चाकी असेल आणि त्यात दोन जण सहज बसू शकतील. यासोबतच कंपनीने यामध्ये सनरूफही दिले आहे. हे ऑटोमॅटिक ट्रान्समिशनसह येईल. या वाहनाची खासियत म्हणजे त्याचे डायमंड कट डिझाइन. अतिशय मस्त लुक असलेले हे एक अल्ट्रा कॉम्पॅक्ट वाहन असेल जे शहरात चालवणे खूप सोपे असेल.
R3 चावीरहित एंट्री, पॉवर विंडो, डिजिटल डिस्प्ले, क्लायमेट कंट्रोल एसी, 7-इंच टचस्क्रीन इन्फोटेनमेंट, GPS नेव्हिगेशन आणि जेश्चर कंट्रोलसह सिंगल डोअर असेल. त्याच वेळी, यात पार्किंग असिस्ट आणि रिव्हर्स कॅमेरा देखील असेल. कंपनीच्या म्हणण्यानुसार, त्यांना फीचर्सच्या बाबतीत पूर्णपणे लोड केलेले वाहन सादर करायचे आहे, जेणेकरून चालकाला कोणतीही अडचण येऊ नये.
या EV मध्ये 48-व्होल्टची इलेक्ट्रिक मोटर दिली जाईल, जी 15 kW पॉवर जनरेट करेल. कारचा टॉर्क 90 Nm असेल. ते तीन तासांत पूर्णपणे चार्ज होईल आणि त्यानंतर ते 200 किमी अंतर कापू शकते. कंपनीच्या मते, कारचा टॉप स्पीड 80 किमी आहे. R3 प्रथम दिल्ली-एनसीआर आणि मुंबईमध्ये लॉन्च होईल. यानंतर ती इतर शहरांमध्ये लॉन्च केली जाईल. या वर्षापासून बुकिंग केलेल्या ग्राहकांना डिलिव्हरी देण्यास सुरुवात करतील, असा कंपनीचा दावा आहे.
6 फोटो