Suraj Sakundeसीएनजी टाकी पूर्णपणे भरणं टाळा. जास्त भरलेल्या टाकीमुळे आउटगॅसिंग होऊ शकतं, ज्यामुळे इंधनाचा अपव्यय होतो. ज्याप्रमाणे पेट्रोल किंवा डिझेल कारमध्ये ओव्हरफिल करण्याचा सल्ला दिला जात नाही, त्याचप्रमाणे सीएनजी टँकमध्ये गॅस जास्त भरू नये.
पेट्रोल किंवा डिझेल गाड्यांप्रमाणे सीएनजी कारमध्ये एअर कंडिशनर किंवा हिटरचा जास्त वापर केल्यास इंधनाच्या वापरावर परिणाम होतो. त्यामुळे कारमध्ये एसी किंवा हीटर तेव्हाच चालू करा, जेव्हा त्याची खूप गरज असते, कारण एसी किंवा हीटर जास्त प्रमाणात ऊर्जा वापरतात. एसी किंवा हीटर चालू असताना, सीएनजी कारचा इंधनाचा वापर वाढतो.
सीएनजी गॅस वाफेच्या रूपात इंधन टाकीतून वाफेच्या स्वरुपात उडू शकतं. यासाठी गॅस लीडमध्ये काही गळती आहे का ते तपासा. गॅस लीड घट्ट बंद आहे की नाही. तसेच गाडी नेहमी सावलीत किंवा झाडाखाली पार्क करावी. जेणेकरून सूर्यप्रकाशाचा थेट परिणाम कारवर होणार नाही आणि सीएनजी गॅसचं बाष्पीभवन होण्याची शक्यता कमी होईल.
कारमधील इंधन कोणत्याही प्रकारचं असू शकतं, परंतु चांगल्या मायलेजसाठी टायरमधील हवेचा दाब योग्य राहणं सर्वात महत्वाचं आहे. टायर्समध्ये हवेचा कमी दाब म्हणजे पॉवरट्रेनवर जास्त दाब, ज्यामुळे इंधनाचा वापर जास्त होतो. त्यामुळे टायरचा दाब नेहमी कंपनीनं शिफारस केलेल्या पातळीवर ठेवा.
कारचे एअर फिल्टर नियमितपणे तपासत राहा आणि गरज पडल्यास ते बदलत राहा. एअर फिल्टरमध्ये धूळ अडकल्यास पॉवरट्रेन भरपूर इंधन वापरते आणि त्यामुळं कारचं मायलेज कमी होतं.
6 फोटो