नवी दिल्ली 18 मार्च : पश्चिम बंगालमधील उत्तर दिनाजपूर जिल्ह्यात हिंदू-मुस्लीम ऐक्याचं उदाहरण मांडताना एका मुस्लीम व्यक्तीने आपल्या माजी (हिंदू) सहकाऱ्याचा जीव वाचवण्यासाठी आपली एक किडनी दान करण्याचा निर्णय घेतला (Muslim Man Donate Kidney for Hindu Friend). नुकतंच हसलू मोहम्मद नावाच्या या व्यक्तीने राज्याच्या आरोग्य विभागाकडे अर्ज करून अवयवदानाच्या मान्यतेसाठी अर्ज केला. तेव्हा नियमानुसार आरोग्य विभागाने त्याची किडनी बेकायदेशीरपणे पैसे घेऊन विकली जात नाही ना, याचा तपास करण्यास स्थानिक पोलिसांना सांगितलं. पोलीस तपासात कोणताही आर्थिक व्यवहार झाला नसल्याचं सांगितलं जात आहे. याबाबतचा अहवाल लवकरच आरोग्य विभागाकडे पाठवण्यात येणार असल्याचे एका पोलीस अधिकाऱ्याने सांगितलं. न्यू इंडियन एक्स्प्रेसच्या वृत्तानुसार, हसलू मोहम्मद आणि अचिंत्य बिस्वास यांची सहा वर्षांपूर्वी मैत्री झाली, जेव्हा ते एका छोट्या फायनान्स कंपनीत एजंट म्हणून काम करत होते. दोन वर्षांपूर्वी हसलू यांनी नोकरी सोडली आणि स्वत:चा व्यवसाय सुरू केला. कालांतराने दोघेही घट्ट मित्र बनले. जगातील सर्वात उंच मॉडेल करतीये भलत्याच संकटाचा सामना; लव्ह लाईफबद्दल अजब खुलासा जेव्हा हसलूला कळालं की त्याचा सर्वात चांगला मित्र संकटात आहे, तेव्हा तो त्याच्या मदतीसाठी पुढे आला. हसलू सांगतात, की “जेव्हा मी ऐकले की अचिंत्याला तातडीने प्रत्यारोपणाची गरज आहे, तेव्हा मी माझी एक किडनी दान करण्याचा निर्णय घेतला. असं केल्यानं मी मरणार नाही, पण अचिंत्याला नवीन जीवन मिळेल.” धार्मिक सन्मानाबद्दल विचारले असता हसलू म्हणाले की ‘मानवी जीवन सर्वात मौल्यवान आहे. ते म्हणाले, “आमचा धर्म वेगळा असू शकतो पण आमचा रक्तगट एकच आहे.” त्याचवेळी हसलू यांच्या पत्नी मनोरा यांनी सांगितलं की, ‘एखाद्या व्यक्तीने जे केले पाहिजे ते त्यांच्या पतीने केलं’. त्यांना 5 आणि 7 वर्षांची दोन मुले आहेत. बापरे! सापापेक्षाही विषारी आहे हा किडा; तोंड लावताच नागाचाही क्षणात मृत्यू 28 वर्षीय अचिंत्याला डायलिसिससाठी खासगी रुग्णालयात दाखल करण्यात आले आहे. त्यांना आठ वर्षांचा मुलगा आहे. अचिंत्य म्हणाले, “माझा जीव वाचवण्यासाठी हसलूने एवढा मोठा त्याग करण्याचं ठरवलं. मी आणि माझे कुटुंब त्याचे सदैव ऋणी राहू. तो पुढे आला नसता तर माझ्या मृत्यूनंतर माझे कुटुंब उद्ध्वस्त झाले असते’.