आंध्रप्रदेशमधील पश्चिम गोदावरी जिल्ह्यात अश्वरावपेटा ते जग्गारेड्डी गुडम दरम्यान असलेल्या मार्गावरुन जात असताना ही बस कालव्यात कोसळली.
आंध्र प्रदेश, 15 डिसेंबर : आंध्रप्रदेशमध्ये ( Andhra Pradesh) राज्य परिवहन महामंडळाची (andhra pradesh government bus) बस कालव्यात कोसळली आहे. या भीषण अपघातात 9 प्रवाशांचा मृत्यू झाला आहे. तर 20 प्रवासी गंभीर जखमी आहे. जखमींना तातडीने नजीकच्या रुग्णालयात दाखल करण्यात आले आहे. ( Bus crashes into canal in Andhra Pradesh) मिळालेल्या माहितीनुसार, आंध्रप्रदेशमधील पश्चिम गोदावरी जिल्ह्यात अश्वरावपेटा ते जग्गारेड्डी गुडम दरम्यान असलेल्या मार्गावरुन जात असताना ही बस कालव्यात कोसळली. या बसमध्ये प्रवाशांची संख्या जास्त होती. अचानक चालकाने नियंत्रण सुटले आणि बस कालव्यात पडली. अचानक झालेल्या या घटनेमुळे एकच गोंधळ उडाला. स्थानिक गावकऱ्यांनी तातडीने घटनास्थळी धाव घेऊन बचावकार्य सुरू केले.
काही प्रवाशांना सुखरुपपणे बाहेर काढण्यात आले आहे. या अपघातात आतापर्यंत ९ जणांचा मृत्यू झाला आहे. मृतांमध्ये पाच महिलासह चार मुलांचा समावेश आहे. मृतांचा आकडा वाढण्याची भीती वर्तवली जात आहे. आणखी काही प्रवासी बेपत्ता असून शोधमोहीम सुरू आहे. घटनेची माहिती मिळताच पोलीस आणि अग्निशमन दलाचे जवान घटनास्थळी दाखल झाले आहे. युद्धपातळीवर बचावकार्य सुरू आहे.