Bank Loan: वाटोळं! या तीन बँकांचं कर्ज झालं महाग, EMI आणि व्याजदरही वाढला, ग्राहकांना फटका
मुंबई, 1 नोव्हेंबर: 3 डिसेंबर रोजी होणाऱ्या रिझर्व्ह बँकेच्या चलनविषयक धोरण समितीच्या अतिरिक्त आढावा बैठकीपूर्वी देशातील 3 प्रमुख बँकांनी त्यांचे कर्जदर अधिक महाग केले आहेत. आयसीआयसीआय बँक, पंजाब नॅशनल बँक आणि बँक ऑफ इंडियाने त्यांच्या कर्जदरात 15 बेसिस पॉईंट्स ते 30 बेसिस पॉइंट्सच्या दरम्यान वाढ केली आहे. रिझर्व्ह बँकेने सलग चार वेळा रेपो दरात सुमारे 2 टक्क्यांनी वाढ केली आहे, त्यानंतर बँकांनी कर्जाचे दर वाढवले आहेत. तसेच अनेक टप्प्यांत हळूहळू वाढ होते. त्याचबरोबर डिसेंबरच्या तिमाहीतही रिझर्व्ह बँक कर्जाचे दर वाढवू शकते, अशी भीती व्यक्त होत आहे. हे पाहता बँका आधीच वाढीच्या पुढील टप्प्यासाठी तयारी करत आहेत. तिन्ही बँकांचे नवे दर 1 नोव्हेंबरपासून लागू झाले आहेत. व्याजदर किती वाढले- ICICI बँकेने MCLR वर आधारित कर्ज दर 20 बेसिक पॉइंट्सनी (0.2 टक्के) वाढवण्याचा निर्णय घेतला आहे. वाढीनंतर एक वर्षाचा MCLR 8.1 टक्क्यांवरून 8.3 टक्के झाला आहे. त्याच वेळी, 6 महिन्यांचा MCLR 8.05 टक्क्यांवरून 8.25 टक्के झाला आहे. त्याच वेळी, सार्वजनिक क्षेत्रातील पंजाब नॅशनल बँक (PNB) आणि बँक ऑफ इंडिया (BoI) ने देखील MCLR वाढवण्याची घोषणा केली आहे. PNB ने सर्व मुदतीसाठी MCLR 0.30 टक्क्यांनी वाढवला आहे तर BOI ने हे दर 0.15 टक्क्यांनी वाढवले आहेत. हेही वाचा: LPG ते GST, आजपासून बदलले 6 मोठे नियम, तुमच्या आयुष्यावर होणार ‘हा’ परिणाम PNB ने सोमवारी माहिती दिली की नवीन MCLR दर 1 नोव्हेंबरपासून लागू होतील. एक वर्षाच्या मुदत कर्जाचा दर 7.75 टक्क्यांवरून 8.05 टक्के करण्यात आला आहे. त्याच वेळी, इतर सर्व मुदतीसाठी कर्ज दर 7.40 ते8.35 टक्के करण्यात आला आहे. बँक ऑफ इंडियाचा वार्षिक कर्ज दर 1 नोव्हेंबरपासून 7.95 टक्के असेल, जो आतापर्यंत 7.80 टक्के होता. इतर सर्व मुदतीसाठी कर्जदरात 0.10 टक्क्यांनी वाढ करण्यात आली आहे.
एमपीसीची बैठक का होत आहे? महागाई आटोक्यात न येण्याच्या कारणांची चर्चा करण्यासाठी 3 नोव्हेंबरपासून होणारी एमपीसीची बैठक होत आहे. नियमांनुसार, जर महागाई दर सरकारने ठरवून दिलेल्या मर्यादेच्या तीन चतुर्थांश बाहेर राहिला, तर रिझर्व्ह बँकेला याचे कारण सरकारला सांगावं लागते. सरकारने रिझर्व्ह बँकेला महागाई दर 2 ते 6 टक्क्यांच्या दरम्यान ठेवण्याचे उद्दिष्ट दिले आहे. मात्र, सलग तीन तिमाहीत महागाईचा दर 6 टक्क्यांच्या वर राहिला आहे. त्यामुळेच ही बैठक 3 नोव्हेंबरला होत आहे.