मुंबई, 06 जानेवारी: जागतिक स्तरावरील खराब संकेतांमुळे आज शेअर बाजारात (Stock Market Latest Update) कमजोर सुरुवात झाली आहे. बीएसई इंडेक्स सेन्सेक्समध्ये (BSE Sensex) 9 वाजून 40 मिनिटांनी 800 अंकांपेक्षा जास्त घसरण झाली आहे. तर निफ्टी (Nifty) 238.40 अंक अर्थात 1.21 टक्क्यांनी घसरुन 17,695.95 व्यवहार करत आहे. सुरुवातीच्या व्यवहारात सेन्सेक्स 638.93 अंकांनी अर्थात 1.06 टक्क्यांनी घसरुन 59,584.22 वर व्यवहार करत होता. तर निफ्टी 182.30 अंक अर्थात 1.02 टक्क्यांच्या कमजोरीसह 17,742.95 वर उघडला होता. तेजीसह बंद झाला होता बाजार बुधवारी शेअर बाजारात उसळी पाहायला मिळाली होती. सेन्सेक्सने पुन्हा एकदा 60,000 चा माइलस्टोन पार केला होता. सेन्सेक्समध्ये 367.22 अंकांची तेजी पाहायला मिळाली होती, त्यानंतर सेन्सेक्स 60,223.15 वर बंद झाला होता. तर निफ्टीमध्ये 120 अंकांची वाढ होऊन 17,925.25 वर बंद झाला होता. बातमी अपडेट होत आहे