मुंबई, 21 एप्रिल : सिक्युरिटीज अँड एक्स्चेंज बोर्ड ऑफ इंडिया (SEBI) ने इनिशियल पब्लिक ऑफर (IPO) दरम्यान शेअर्सचे वाटप करण्यासाठी शेअर्स अर्ज करण्यासाठी आणि युनिफाइड पेमेंट इंटरफेस (UPI) द्वारे पेमेंट करण्याचे नियम बदलले आहेत. याशिवाय, SEBI ने ग्रुप ऑफ सेल्फ-सर्टिफाइड बँक्स (SCSBs) द्वारे अनब्लॉक केलेल्या सर्व ASBA अर्जांचा डेटा मिळवण्यासाठी एक नवीन मसुदा तयार केला आहे. SEBI ने एका परिपत्रकात म्हटले आहे की SCCB च्या कार्यपद्धतीचा आढावा घेतल्यानंतर आणि वेळेत अर्जाच्या रकमेवरील स्थगिती काढून टाकण्यासाठी बाजारातील मध्यस्थांकडून मिळालेल्या सूचनांनंतर नवीन मसुदा आणण्यात आला आहे. आता SCSB मर्चंट बँकर / जारीकर्ता यांना रजिस्ट्रारच्या विनंतीनुसार माहिती द्यावी लागेल. प्रक्रिया शुल्काचा क्लेम केल्यानंतर अर्जाची रक्कम जारी करण्यास झालेल्या विलंबासाठी भरपाई देण्यासही ते जबाबदार असतील. वाढलेल्या वीज बिलाने बजेट बिघडलंय? ‘या’ सोप्या टिप्स फॉल करा आणि हमखास वीजबिल कमी करा ASBA ही एक प्रक्रिया आहे ज्याद्वारे किरकोळ गुंतवणूकदार IPO किंवा FPO मध्ये गुंतवणुकीसाठी अर्ज करण्यासाठी, शेअर्सचे वाटप होईपर्यंत संबंधित रक्कम त्यांच्या बचत खात्यात ब्लॉक करतात. जर तुम्हाला शेअर्सचे वाटप केले गेले असेल तर ही रक्कम तुमच्या बँक खात्यातून वजा केली जाते अन्यथा वाटप प्रक्रिया पूर्ण झाल्यानंतर ती अनब्लॉक केली जाते. SEBI ने म्हटले आहे की जर SCSB ने परिपत्रकातील तरतुदींचे पालन केले नाही तर त्यांच्याविरुद्ध सिक्युरिटीज कायद्यांतर्गत कारवाई केली जाईल. गुंतवणुकदारांना एखाद्या समस्येबद्दल मिळालेल्या एसएमएसबद्दल, SEBI ने सांगितले की IPO साठी पात्र असलेले SCSB/UPI अॅप्स सर्व ASBA अर्जांवर एसएमएस पाठवून गुंतवणूकदारांना सतर्क करतील. तसेच ते ई-मेलवर बिल पाठवू शकतात. ज्यामध्ये UPI द्वारे पेमेंट करण्याबाबत संपूर्ण माहिती दिली जाईल. तुमच्या ‘ड्रीम होम’च्या निर्मितीचा खर्च वाढणार, एप्रिल महिन्यात सिमेंटच्या किंमतीत वाढ होण्याची शक्यता एनपीसीआयने सेबीला ई-मेलवर बिले पाठवण्याचा प्रस्ताव ठेवला होता, जेणेकरून गुंतवणूकदारांना योग्य वेळी माहिती मिळू शकेल. गुंतवणूकदाराला एसएमएसद्वारे जी माहिती दिली जाईल त्यामध्ये आयपीओचे नाव, अर्जाची रक्कम आणि रक्कम गोठवलेली तारीख इत्यादींचा समावेश असेल. हे नियम तात्काळ लागू झाले आहेत.