नवी दिल्ली, 23 फेब्रुवारी : सरकारी तेल कंपन्यांनी बुधवारी अनेक राज्यातील राजधान्यांमध्ये पेट्रोल-डिझेल किमतीत बदल केले आहेत. काही ठिकाणी दर कमी झाले आहेत, तर काही ठिकाणी दर वाढले आहेत. सध्या निवडणुकांचे वारे असणाऱ्या उत्तर प्रदेशची राजधानी लखनऊमध्ये इंधन दर कमी झाला आहे. तेल कंपन्यांनी जवळपास चार महिन्यांपासून दिल्ली-मुंबईसारख्या महानगरांत पेट्रोल-डिझेल दरात कोणताही बदल केलेला नाही. मुंबईत पेट्रोल दर (Mumbai Petrol price) सर्वाधिक 110 रुपये प्रति लीटर आहे. इंधन दर वाढत नसला, तरी आधीच महाग असलेल्या पेट्रोल-डिझेल दरांमुळे सर्वसामान्य मेटाकुटीला आला आहे. आंतरराष्ट्रीय बाजारात कच्च्या तेलाच्या किमती सतत वाढ असतानाही सरकारी तेल कंपन्या निवडणुकांच्या दबावामुळे दर वाढवू शकत नाहीत. कंपन्या मेट्रो शहरांत सोडून इतर लहान शहरांमध्ये सतत इंधन दरात बदल करत आहे.
असा तपासा तुमच्या शहरातील आजचा लेटेस्ट दर पेट्रोल-डिझेल दर तुम्ही SMS द्वारेही (How to check Diesel Petrol Price Daily) जाणून घेऊ शकता. तुम्ही 92249 92249 वर SMS पाठवून आपण पेट्रोल आणि डिझेलच्या किंमतीबद्दल देखील जाणून घेऊ शकता. इंडियन ऑइलच्या वेबसाइटनुसार आपल्याला RSP<स्पेस> शहराचा कोड लिहावा लागेल आणि तो 92249 92249 वर पाठवावा लागेल. प्रत्येक शहराचा एक वेगळा कोड असतो. IOCL च्या वेबसाइटवर तुम्हाला हा कोड मिळेल.
महाराष्ट्रातील दर (Maharashtra Petrol Diesel Price Today)-
| पुणे | 109.45 रुपये | 92.25 रुपये |
|---|---|---|
| मुंबई | 109.98 रुपये | 94.14 रुपये |
| नाशिक | 109.49 रुपये | 92.29 रुपये |
| नागपूर | 109.71 रुपये | 92.53 रुपये |
| अहमदनगर | 110.15 रुपये | 92.92 रुपये |
| औरंगाबाद | 110.38 रुपये | 93.14 रुपये |
| रत्नागिरी | 110.97 रुपये | 93.68 रुपये |
| रायगड | 109.48 रुपये | 92.25 रुपये |
| परभणी | 112.49 रुपये | 95.17 रुपये |
| पालघर | 109.75 रुपये | 92.51 रुपये |
| सांगली | 110.03 रुपये | 92.83 रुपये |
| कोल्हापूर | 110.09 रुपये | 92.89 रुपये |
दररोज सकाळी 6 वाजता जारी होतात नवे दर - देशातील तीन ऑईल मार्केटिंग कंपन्या HPCL, BPCL आणि IOCL रोज सकाळी 6 वाजता पेट्रोल-डिझेलचे नवे दर जाहीर करतात. पेट्रोल-डिझेल दरात एक्साइज ड्यूटी, डिलर कमीशन आणि इतर गोष्टी जोडल्यानंतर याचा किंमत दुप्पट होते.