मुंबई, 13 मार्च : भारतीय सराफा बाजारात सोन्याच्या दरात साप्ताहिक घसरण झाली आहे. त्याचबरोबर चांदीही स्वस्त झाली आहे. या व्यापारी आठवड्यात सोन्याच्या दरात प्रति (Gold rates today) 10 ग्रॅम 1133 रुपयांची घट झाली आहे. तर चांदीच्या दरात (Silver rates today) किलोमागे 867 रुपयांची घट झाली आहे. इंडिया बुलियन अँड ज्वेलर्स असोसिएशन अर्थात IBJA च्या वेबसाइटनुसार, या व्यावसायिक आठवड्याच्या सुरुवातीला (7 ते 11 मार्च) 24-कॅरेट सोन्याचा दर 53,595 होता, जो शुक्रवारपर्यंत 52,462 रुपये प्रति 10 ग्रॅमवर आला आहे. त्याच वेळी, 999 शुद्धतेच्या चांदीचा भाव 70,580 रुपयांवरून 69,713 रुपये प्रति किलोवर आला आहे. IBGA ने जारी केलेल्या किमती वेगवेगळ्या शुद्धतेच्या सोन्याच्या मानक किमतीची माहिती देतात. या सर्व किमती कर आणि मेकिंग शुल्कापूर्वीच्या आहेत. IBGA ने जारी केलेले दर देशभरात सार्वत्रिक आहेत परंतु किमतींमध्ये GST समाविष्ट नाही. गेल्या एका आठवड्यात सोन्याचे दर किती बदलले? » 07 मार्च 2022 - 53,595 रुपये प्रति 10 ग्रॅम » 08 मार्च 2022 - 53,548 रुपये प्रति 10 ग्रॅम » 09 मार्च 2022 - 53,541 रुपये प्रति 10 ग्रॅम » 10 मार्च 2022 - रुपये 52,880 प्रति 10 ग्रॅम » 11 मार्च 2022- रुपये 52,462 प्रति 10 ग्रॅम गेल्या एका आठवड्यात चांदीचा दर किती बदलला? » 07 मार्च 2022- 70,580 रुपये प्रति किलो » 08 मार्च 2022- 70,890 रुपये प्रति किलो » 09 मार्च 2022- 70,834 रुपये प्रति किलो » 10 मार्च 2022- रुपये 69,815 प्रति किलो » 11 मार्च 2022- रुपये 69,713 प्रति किलो UPI पेमेंट 15 मार्चपासून आणखी सोपं, Aadhaar OTP ने अॅक्टिव्हेट करता येणार यूपीआय चालू आर्थिक वर्षाच्या पहिल्या 11 महिन्यांत (एप्रिल-फेब्रुवारी) देशाची सोन्याची आयात 73 टक्क्यांनी वाढून 45.1 अब्ज डॉलर झाली आहे. मागणी जास्त असल्याने सोन्याची आयात वाढली आहे. यासह, मागील आर्थिक वर्षाच्या याच कालावधीत सोन्याची आयात 26.11 अब्ज डॉलर होती. कशी तपासाल सोन्याची शुद्धता? तुम्हाला सोन्याची शुद्धता तपासायची असेल तर त्यासाठी सरकारने एक अॅप बनवले आहे. ‘BIS Care App’द्वारे ग्राहक सोन्याची शुद्धता तपासू शकतात. या अॅपद्वारे तुम्ही केवळ सोन्याची शुद्धताच नाही तर त्यासंबंधी कोणतीही तक्रारही करू शकता. या अॅपमध्ये परवाना, नोंदणी आणि हॉलमार्क क्रमांक चुकीचा आढळून आल्यास ग्राहक त्याबाबत तत्काळ तक्रार करू शकतात. या अॅपच्या माध्यमातून ग्राहकाला तक्रार नोंदवण्याबाबत तत्काळ माहितीही मिळणार आहे. गृहकर्जासाठी Cibil Score महत्त्वाचा; सिबिल स्कोअर चांगला ठेवण्यासाठी ‘हे’ करा घरबसल्या मिस कॉलद्वारे जाणून घ्या सोन्याचा दर सोन्याचा दररोजचा दर हा तुम्ही घरबसल्या जाणून घेऊ शकता. सोन्याचे भाव जाणून घ्यायचे असतील तर तुम्ही आपल्या मोबाईलने 8955664433 या नंबरवर मिस्ड कॉल द्या. त्यानंतर लगेच तुम्हाला तुमच्या मोबाईलवर सोन्याच्या किंमतीबद्दल मेसेज येईल. त्यामध्ये तुम्ही सोन्याच्या किंमतीबद्दल सविस्तर माहिती वाचू शकता.