नवी दिल्ली, 24 फेब्रुवारी : रशिया-युक्रेन युद्धाचा (Russia-Ukraine Crisis) थेट परिणाम भारतीय सराफा बाजारात पाहायला मिळत आहे. सराफा बाजारात आज सोने-चांदी दरात मोठी (Gold-Silver Price Today) वाढ झाली आहे. मल्टी कमॉडिटी एक्सचेंजवर (MCX) आज एप्रिल डिलीवरी सोने दरात 1.42 टक्क्यांची मोठी तेजी आहे. या वाढीमुळे सोने दर 51,000 वर पोहोचला आहे. चांदीच्या दरातही आज तेजी आहे. चांदीचा भाव (Silver Price Today) आहे 1.40 टक्क्यांच्या तेजीसह ट्रेड करत आहे. सोने-चांदी दर (Gold Silver Price) - एप्रिल डिलीवरी गोल्डचा दर आज 1.42 टक्क्यांच्या मोठ्या तेजीसह 51,095 रुपये प्रति 10 ग्रॅमवर आहे. तर चांदीच्या दरात 1.40 टक्क्यांची वाढ झाली आहे. या वाढीसह चांदीचा भाव 65,490 रुपये प्रति किलोग्रॅमवर ट्रेड करत आहे. दरम्यान, रशिया आणि युक्रेनमधील वाढत्या तणावामुळे सोने दरावर मोठा परिणाम होण्याची शक्यता आहे. जगभरातील शेअर बाजारात अनिश्चिततेचं वातावरण आहे. त्यामुळे गुंतवणुकदार पुन्हा एकदा सुरक्षित गुंतवणूक म्हणून सोन्याकडे वळले असल्याचं चित्र आहे.
कशी तपासाल सोन्याची शुद्धता तुम्हाला सोन्याची शुद्धता तपासायची असेल तर त्यासाठी सरकारने एक अॅप बनवलं आहे. ‘BIS Care App’ द्वारे ग्राहक सोन्याची शुद्धता तपासू शकतात. या अॅपद्वारे तुम्ही केवळ सोन्याची शुद्धताच नाही तर त्यासंबंधी कोणतीही तक्रारही करू शकता. या अॅपमध्ये परवाना, नोंदणी आणि हॉलमार्क क्रमांक चुकीचा आढळून आल्यास ग्राहक त्याबाबत तत्काळ तक्रार करू शकतात. या अॅपच्या माध्यमातून ग्राहकाला तक्रार नोंदवण्याबाबत तत्काळ माहितीही मिळणार आहे.
मिस्ड कॉल देऊन जाणून घ्या सोन्याचा दर सोन्याचे दर तुम्ही घरबसल्या सहज शोधू शकता. यासाठी तुम्हाला 8955664433 या क्रमांकावर मिस कॉल द्यावा लागेल आणि तुमच्या फोनवर एक मेसेज येईल, ज्यामध्ये तुम्ही सोन्याचे नवे दर पाहू शकता.