पीएफ बॅलेन्स चेक करण्यात अडचणी
नवी दिल्ली, 25 एप्रिल: कर्मचारी भविष्य निर्वाह निधी संघटनेची ई-पासबुक सेवा गेल्या काही दिवसांपासून बंद आहे. ईपीएफओच्या वेबसाइटवर लॉग इन केल्यानंतर ई-पासबुक ओपन होत नाहीये. उमंग अॅपवरही ई-पासबुक उपलब्ध नाही. यामुळे ग्राहकांना त्यांचे बॅलेन्स तपासता येत येत नाहीये. तांत्रिक बिघाडामुळे ईपीएफओची ई-पासबुक सेवा बंद पडण्याची या वर्षातील ही दुसरी वेळ आहे. सोशल मीडियावर अनेक युजर्स ई-पासबुक सेवा बंद झाल्याच्या तक्रारी करत आहेत.
एका यूजरने ट्विटरवर EPFO ला पासबुक कधी उपलब्ध होईल, असे विचारले. तेव्हा ही समस्या लवकरच दूर होईल, असे सांगण्यात आले. ईपीएफओच्या अधिकृत ट्विटर हँडलवर लिहिले आहे, ‘प्रिय सदस्य, गैरसोयीबद्दल आम्ही दिलगीर आहोत. संबंधित टीम या प्रकरणाचा तपास करत आहे. कृपया थोडा वेळ थांबा.’ याआधी जानेवारी महिन्यात अनेक यूझर्सने ई-पासबुक सुविधेचे काम होत नसल्याच्या तक्रारी केल्या होत्या. संस्थेने त्रुटी दूर करण्याचे आश्वासन दिल्याने काही दिवसांनी ही सुविधा पुन्हा सुरू करण्यात आली होती.
EPFO चे ई-पासबुक एम्पलॉयर आणि एम्पलॉई दोघांनी त्यांच्या EPF आणि कर्मचारी पेन्शन योजना (EPS) खात्यांमध्ये केलेल्या व्यवहारांची माहिती देते. पासबुकमध्ये मासिक योगदानाच्या माहितीसोबतच व्याजाचीही माहिती आहे. मिस्ड कॉल, ईपीएफओ अ‍ॅप/उमंग अ‍ॅप आणि ईपीएफओ पोर्टलवर एसएमएसद्वारे तुम्ही तुमची ईपीएफ बॅलेन्स तपासू शकता.
ITR फाइल केला नाही तर तुरुंगवास होतो का? कधी होऊ शकते केस? जाणून घ्या नियमEPFO वेबसाइटद्वारे तुमच्या खात्यातील बॅलेन्स तपासण्यासाठी epfindia.gov.in वर EPFO च्या अधिकृत वेबसाइटला भेट द्या. ई-पासबुकवर क्लिक करा. त्यावर क्लिक केल्यानंतर तुम्हाला तुमचा UAN नंबर, पासवर्ड आणि कॅप्चा भरावा लागेल. हे केल्यानंतर, तुम्हाला पीएफ खात्याशी संबंधित माहिती दिसू लागेल. येथे तुम्हाला मेंबर आयडी दिसेल. तुम्ही ते सेलेक्ट केल्यावर, तुम्हाला तुमचे बॅलेन्स E-Passbook वर दिसेल.