नवी दिल्ली, 8 फेब्रुवारी : आंतरराष्ट्रीय बाजारात क्रूड ऑइलच्या (Crude Oil) किंमती रेकॉर्ड स्तरावर आहेत. क्रूड ऑइल 93 डॉलर प्रति बॅरलने महागलं आहे. कच्च्या तेलाचा हा दर गेल्या सात वर्षांतील उच्चांक आहे. त्यात आणखी वाढ होणे अपेक्षित आहे. मागणीपेक्षा कमी जागतिक पुरवठा, रशिया आणि पाश्चिमात्य देशांमधील वाढता तणाव आणि अमेरिकेतील खराब हवामान यामुळे क्रूडच्या किमती सातत्याने वाढत आहेत. परंतु क्रूड ऑइलचा दर वाढता असताना पेट्रोल-डिझेलचा (Petrol-Diesel Price Today) भाव मागील तीन महिन्यांपासून स्थिर आहे. आज मंगळवारी IOCL ने पेट्रोल-डिझेलचे नवे दर जारी केले. आजही किंमतती कोणतेही बदल करण्यात आलेले नाहीत. महागड्या क्रूडमुळे भारतात पेट्रोल आणि डिझेलच्या किमती (Petrol Diesel Price) वाढू शकतात. यामुळे तुमचा इंधनावरील खर्च वाढेल. मात्र, गेल्या तीन महिन्यांपासून सरकारने पेट्रोल आणि डिझेलच्या दरात कोणताही बदल केलेला नाही. मात्र, येत्या काही दिवसांत पेट्रोल डिझेलचे दर वाढू शकतात. पाच राज्यांतील विधानसभा निवडणुकांमुळे पेट्रोलियम कंपन्या अद्याप दरात वाढ करत नसल्याचे बोलले जात आहे. या राज्यांतील विधानसभा निवडणुकांचे निकाल 10 मार्च रोजी लागणार आहेत. यानंतर पेट्रोल आणि डिझेलचे दर वाढू शकतात. देशातील तीन ऑईल मार्केटिंग कंपन्या HPCL, BPCL आणि IOC रोज सकाळी 6 वाजता पेट्रोल-डिझेलचे नवे दर जाहीर करतात. पेट्रोल-डिझेल दरात एक्साइज ड्यूटी, डिलर कमीशन आणि इतर गोष्टी जोडल्यानंतर याचा किंमत दुप्पट होते.
महाराष्ट्रील आजचा पेट्रोल-डिझेल दर -
| पुणे | 109.45 रुपये | 92.25 रुपये |
|---|---|---|
| मुंबई | 109.98 रुपये | 94.14 रुपये |
| नाशिक | 109.49 रुपये | 92.29 रुपये |
| नागपूर | 109.71 रुपये | 92.53 रुपये |
| अहमदनगर | 110.15 रुपये | 92.92 रुपये |
| औरंगाबाद | 110.38 रुपये | 93.14 रुपये |
| रत्नागिरी | 110.97 रुपये | 93.68 रुपये |
| रायगड | 109.48 रुपये | 92.25 रुपये |
| परभणी | 112.49 रुपये | 95.17 रुपये |
| पालघर | 109.75 रुपये | 92.51 रुपये |
| सांगली | 110.03 रुपये | 92.83 रुपये |
| कोल्हापूर | 110.09 रुपये | 92.89 रुपये |
असा तपासा तुमच्या शहरातील आजचा लेटेस्ट दर पेट्रोल-डिझेल दर तुम्ही SMS द्वारेही (How to check diesel petrol price daily) जाणून घेऊ शकता. तुम्ही 92249 92249 वर SMS पाठवून आपण पेट्रोल आणि डिझेलच्या किंमतीबद्दल देखील जाणून घेऊ शकता. इंडियन ऑइलच्या वेबसाइटनुसार आपल्याला RSP<स्पेस> शहराचा कोड लिहावा लागेल आणि तो 92249 92249 वर पाठवावा लागेल. प्रत्येक शहराचा एक वेगळा कोड असतो. IOCL च्या वेबसाइटवर तुम्हाला हा कोड मिळेल.
सध्या दर वाढ नसले, तरी कमी देखील होत नाहीत. त्यामुळे सर्वसामान्यांना 100 रुपयांहून अधिक किंमतीत पेट्रोल घ्यावं लागत आहे. वाढलेल्या दरांमुळे सर्वसामान्यांच्या खिशाला चाप बसतोच आहे.