प्रातिनिधीक फोटो
नवी दिल्ली, 18 नोव्हेंबर : घरबसल्या व्यवसाय (Business idea) सुरू करण्याची तुमची इच्छा असेल, तर आज आम्ही तुम्हाला अशा व्‍यवसायाबद्दल सांगत आहोत, जो तुम्ही अगदी कमी खर्चात घरबसल्या सुरू करू शकता. या व्यवसायातून तुम्ही चांगले पैसे (earn money from home) कमावू शकता. हा व्यवसाय आहे गिफ्ट बास्केट (Business making gift baskets) बनवण्याचा. आजच्या काळात लोकांना विशेष प्रसंगी (Special Occasions) गिफ्ट बास्केट (Gift basket) खरेदी करायला आवडतात. गिफ्ट बास्केटची खरेदी करताना अनेक ग्राहक घासाघीस सुद्धा करत नाहीत. त्यामुळे तुम्हाला सजावटीचे काम करायला आवडत असेल तर तुम्ही हा व्यवसाय करू शकता. या व्यवसातून तुम्हाला चांगले पैसे कमावता येतील. जाणून घ्या गिफ्ट बास्केट व्यवसायाबाबत गिफ्ट बास्केटच्या व्यवसायात अनेक प्रकारच्या भेटवस्तू देण्यासाठी टोपली (बास्केट) बनवली जाते. त्यामध्ये गिफ्ट चांगलं पॅक करून दिलं जातं. ही टोपली तुम्ही घरी बनवू शकता. तुम्ही वेगवेगळ्या प्रकारच्या आणि वेगवेगळ्या किमतीनुसार गिफ्ट बास्केट तयार करू शकता. आजच्या काळात अनेक कंपन्यांनी गिफ्ट बास्केट बनवण्याचं काम सुरू केलं आहे. वाचा : खेडेगावातल्या तरुणाला इंग्रजीही येत नव्हतं; असा उभारला Paytm चा डोलारा आणि झाला अब्जाधीश गिफ्ट बास्केटची मागणी वाढतेय अनेकांना एखाद्या विशेष प्रसंगी, शुभ कार्यात भेटवस्तू म्हणून गिफ्ट बास्केट द्यायला आवडतं. काळानुरूप गिफ्ट पॅकिंगच्या क्षेत्रात बरेच बदल झाले आहेत. बाजारात गिफ्ट बास्केटची मागणी दिवसेंदिवस वाढत आहे. वाढदिवस, वर्धापनदिन आणि इतर शुभप्रसंगी शहरी भागात गिफ्ट बास्केटची मागणी वाढत आहे. व्यवसाय सुरू करण्यासाठी आवश्यक साहित्य हा व्यवसाय सुरू करण्यासाठी तुम्हाला गिफ्ट बास्केट किंवा बॉक्स रिबनची आवश्यकता भासेल. तसंच रॅपिंग पेपर, स्थानिक आर्ट अँड क्राफ्टचं साहित्य, सजावटीचं साहित्य, ज्वेलरी, पॅकेजिंग साहित्य, स्टिकर्स, फॅब्रिकचे तुकडे, पातळ तार, कात्री, वायर कटर, मार्कर पेन, पेपर श्रेडर, कार्टन स्टेपलर, गोंद आणि कलरिंग टेप असं साहित्य यासाठी लागतं. वाचा : गाजावाजा झालेल्या Paytm share पहिल्याच दिवशी का घसरला? गुंतवणूकदारांनी आता काय करावं? कमी गुंतवणूक गिफ्ट बास्केटच्या व्यवसायात तुम्हाला खूप कमी गुंतवणूक करावी लागेल. तुम्ही याची सुरुवात 5000 ते 8000 रुपयांपासून करू शकता. या गुंतवणुकीत या व्यवसायाशी संबंधित असलेल्या सर्व गरजा पूर्ण होतील. असं करा मार्केटिंग गिफ्ट बास्केटच्या व्यवसायाची जाहिरात करण्यासाठी एक सँपल गिफ्ट तयार करा आणि तुमच्या जवळच्या बाजारपेठेतल्या मोठ्या दुकानदारांना ते दाखवा. तुम्ही तयार केलेल्या सँपल गिफ्टचा फोटो, व्हिडिओ वेबसाइटवर अपलोड करू शकता आणि गिफ्ट बास्केट ऑनलाइन विकू शकता. तुम्ही तुमच्या गिफ्ट बास्केटची किंमत थोडी कमी ठेवली तर त्यांची विक्री लवकर सुरू होऊ शकेल.