कारंजा शहरात एका विहिरीत गाळ उपसताना पुरातन शिवलिंग (Shivling) आढळल्याचा दावा केला जात आहे
वाशिम, 06 जून : देशभरात सध्या ज्ञानवापी मशिदीमध्ये शिवलिंग सापडल्याचा वाद पेटला आहे. आता महाराष्ट्रातील वाशिम (washim) जिल्ह्यातील कारंजा शहरात एका विहिरीत गाळ उपसताना पुरातन शिवलिंग (Shivling) आढळल्याचा दावा केला जात आहे. विहिरीत शिवलिंग सापडल्याची बातमी शहरात वाऱ्यासारख्या पसरली असून शिवभक्तांनी एकच गर्दी केली आहे. (Shivling was found in well washim) पावसाळ्याच्या तोंडावर कांरजा शहरातील टिळक चौकातील विहिरीचे गाळ काढण्याचे काम सुरू आहे. गाळ काढत असताना एक भला मोठा दगड आढळून आला. याची नीट पाहणी केली असता सुमारे 300 ते 400 वर्ष जुने शिवलिंग असल्याचा दावा केला जात आहे. यंदाच्या उन्हाळ्यात विहिरीची पाणी पातळी खालावल्याने विहिरीतील गाळ काढून स्वच्छ करण्याच्या उद्देशाने टिळक मित्र मंडळाच्यावतीने विहिरीतील गाळ काढण्याचे काम हाती घेण्यात आले. विहिरीतील गाळ काढणे सुरू असताना त्यात एक पुरातन शिवलिंग आढळले आहे. हे शिवलिंग जवळपास साडे 300 ते 400 वर्ष जुने असल्याची माहिती कांरजा येथील अजय महाराज यांनी दिली आहे. सापडलेले शिवलिंग हे नर्मदा नदीत आढळत असल्याने याला नर्मदेश्वर शिवलिंग आहे. ( जेव्हा महानायक अमिताभ बच्चन करतात सचिन खेडेकर यांची कॉपी… सचिन खेडेकरांनी सांगितला अफलातून किस्सा ) ही विहीर जवळपास 30 फुट खोल असून गेल्या अनेक वर्षांपासून या विहिरीची साफसफाई करण्यात आली नव्हती. त्यामुळे हे शिवलिंग एखाद्या व्यक्तीने विहिरीत टाकल्याची शक्यता ही वर्तविल्या जात आहे. सदर शिवलिंग हे सध्या पाण्याने स्वच्छ करून जवळच्याच एका झाडाखाली ठेवण्यात आले आहे. लवकरच त्याची विधिवत स्थापना करण्यात येणार असल्याचं शहरातील शिव भक्तांनी सांगितलंय. दरम्यान शहरातील टिळक चैकातील विहीरीत पुरातन शिवलिंग आढळल्याचे चर्चा शहरभर पसरल्याने शिवलिंग पाहण्यासाठी नागरीकांनी एकच गर्दी केल्याचे यावेळी दिसुन आले.