Pune : जगातील प्रतिष्ठित अभ्यासक्रम शिकण्याची संधी! 'डिग्री प्लस'मध्ये करा लगेच नोंदणी

पुणे, 30 सप्टेंबर : बी.ए, बी.कॉम, बी.एस्सी.. या अभ्यासक्रमासोबतच विद्यार्थ्यांना ‘इंडस्ट्री रेडी’ बनविण्यासाठी पुणे विद्यापीठानं खास अभ्यासक्रम सुरू केला आहे. ‘डिग्री प्लस’ असे या अभ्यासक्रमाचे नाव असून यामध्ये 300 ते 350 जागतिक पातळीवरील अभ्यासक्रम शिकवले जाणार आहेत. मागील वर्षी प्रायोगिक तत्त्वावर हा उपक्रम सुरू करण्यात आला होता. यंदा विद्यार्थ्यांसाठी विशेष आनंदाची बातमी म्हणजे हे सर्व अभ्यासक्रम मूळ शुल्कापेक्षा कमी दरामध्ये शिकण्याची संधी विद्यापीठानं दिली आहे. काय आहे डिग्री प्लस? नोव्हेंबर 2021 मध्ये तत्कालीन कुलगुरू डॉ.नितीन करमळकर यांच्या नेतृत्वाखाली या डिग्री प्लस उपक्रमाची सुरुवात करण्यात आली होती. जागतिक दर्जाच्या अनेकविध शैक्षणिक आणि सामाजिक संस्थांसोबत केलेल्या करारानुसार हे अभ्यासक्रम विद्यापीठात उपलब्ध करून दिले आहेत. यामध्ये हार्वर्ड बिझनेस ऑनलाईन, एडब्लूएस, सिंपली लर्न, सेलिब्रिटी स्कूलतर ईडीएक्सशी झालेल्या कराराच्या माध्यमातून आयबीएम, स्टँनफॉर्ड युनिव्हर्सिटीसारख्या अनेक नामांकित कंपन्यांच्या अभ्यासक्रमांचा समावेश आहे. हे सर्व अभ्यासक्रम ऑनलाईन असून यातील काही अभ्यासक्रम निःशुल्क आहेत. 2022-23 या वर्षाचे अभ्यासक्रमांचे वेळापत्रकही संकेतस्थळावर प्रसिद्ध करण्यात आले आहे. अभ्यासक्रम पूर्ण झाल्यावर विद्यार्थ्यांना प्रमाणपत्र देखील देण्यात येणार आहेत. आता 4 वर्षांच्या डिग्रीनंतर थेट करता येणार पीएचडी; रिसर्च पेपर्सचीही गरज नाही सुरुवातीला प्रायोगिक तत्त्वावर सुरू झालेल्या या उपक्रमात जवळपास २६ हजार विद्यार्थ्यांनी यासाठी नावनोंदणी केली होती तर पाच हजार विद्यार्थ्यांनी यासाठी प्रवेश घेतला होता. ‘डिग्री प्लस’ च्या माध्यमातून विद्यापीठाच्या विद्यार्थ्यांना माहिती तंत्रज्ञान, कृत्रिम बुद्धिमत्ता, क्लाउड कम्प्युटिंग, अर्थशास्त्र, संस्कृती आदी विषयातील अद्ययावत ज्ञान घेणे शक्य होणार आहे. जास्तीत जास्त विद्यार्थ्यांनी या संधीचा फायदा घ्यावा,’ असे आवाहन  सावित्रीबाई फुले पुणे विद्यापीठाचे कुलगुरू डॉ.कारभारी काळे यांनी केले आहे. तर ‘डिग्री प्लस’च्या माध्यमातून जागतिक दर्जाचे अभ्यासक्रम उपलब्ध करून देणारे सावित्रीबाई फुले पुणे विद्यापीठ हे राज्यातले बहुदा एकमेव सार्वजनिक विद्यापीठ आहे. विद्यार्थ्यांनी या संधीचा फायदा घ्यावा तसेच महाविद्यालयांनी देखील याबाबत विद्यार्थ्यांना माहिती द्यावी, अशी सूचना विद्यापीठाचे प्र कुलगुरू डॉ. संजीव सोनावणे यांनी केली आहे. 57% भारतीय मध्यमवर्गीय विद्यार्थ्यांना असते परदेशात शिक्षणाची इच्छा; अहवालातून माहिती समोर या अभ्यासक्रमासाठी कुठे अर्ज कराल? https://degreeplus.in/ या वेबसाईटवर या अभ्यासक्रमासाठी अर्ज करता येईल हा अभ्यासक्रम कोणासाठी आहे? सावितीबाई फुले पुणे विद्यापीठाचे आणि विद्यापीठाशी संलग्न महाविद्यालयातील पदवी करत असलेले सर्व विद्यार्थ्यांसाठी हा अभ्यासक्रम आहे. गुगल मॅप वरून साभार अभ्यासक्रमाच्या प्रवेशाचा कालावधी काय? हे अभ्यासक्रम वर्षभर सुरू असतात. याचे वेळापत्रक संकेतस्थळावर प्रसिद्ध करण्यात आले आहे.

• First Published : September 30, 2022, 2:33 pm IST