पुणे, 29 जून: कोंढवा बुद्रुक इथे बडा तलाव मस्जिद परिसरातील आल्कन स्टायलस सोसायटीची संरक्षक भिंत कोसळून 15 मजुरांचा मृत्यू झाला. याप्रकरणी पुण्याच्या महापौर मुक्ता टिळक यांच्याशी संवाद साधला. झोपड्यांशेजारील बांधकामामुळे ही दुर्दैवी घटना घडली आहे. बांधकाम व्यवसायिकाच्या हलगर्जीपणामुळे हा प्रकार घडला असावा असा प्राथमिक अंदाज आहे. दरम्यान दोषींवर कडक कारवाई केली जाईल. जखमींना आणि मृतांच्या नातेवाईकांना दुसरा निवारा उपलब्ध करून देण्यात येईल त्यानंतर त्यांना इतर मदत केली जाईल असं आश्वासन देण्यात आलं आहे.