मुंबई, 30 जुलै : नालासोपाऱ्यात पाचव्या मजल्यावरुन एक तरुणी इमारतीवरुन पडली. सुदैवाने यात तिचा जीव बचावला आहे. ही तरुणी चौथ्या मजल्यावर अडकली. यानंतर चौथ्या मजल्यावरील लोकांनी या तरुणीला वाचवले. सुदैवाने या घटनेत महिलेचा जीव बचावला आहे. झाकिया खान (वय 21 वर्षे) असे या तरुणीचे नाव आहे. झाकिया नालासोपारा पश्चिमेकडील रिलायबल हाईटस् या सोसायटीतील पाचव्या मजल्यावर राहते. आज सायंकाळच्या सुमारास झाकिया चक्कर येवून खाली पडली होती. मात्र तिने चौथ्या मजल्यावरील ग्रीलला पकडल्यामुळे ती वाचली. चौथ्या मजल्यावर तरुणी अडकली होती. यानंतर तरुणी मदतीसाठी आरडा-ओरडा करू लागली. यावेळी चौथ्या मजल्यावरील सदस्यांनी तिचा पकडून ठेवलं. यानंतर अग्निशमन दलाला बोलवण्यात आलं. यानंतर अग्निशमन दलाच्या जवानांनी सायंकाळी 5 वाजता पोहोचून अवघ्या 10 मिनिटात तिला रेस्क्यू केलं. चौथ्या मजल्यावरील ग्रील कटरच्या साहय्यानं तोडून तिला आता घेण्यात आलं. मालाड पश्चिमेलादेखील अशीच एक घटना समोर आली आहे. मालाड पश्चिम येथील सुंदर नगर परिसरातील ब्ल्यू होरायझन इमारतीमध्ये ही महिला घरकाम करण्यासाठी येत होती. येथे सुरक्षा रक्षक म्हणून कार्यरत असलेल्या व्यक्तीने या महिलेला विसाव्या मजल्यावरून खाली ढकलून दिले. ही महिला 18 व्या मजल्यावरील छतावर पडली होती. त्यानंतर पोलिसांना बोलवण्यात आलं. अग्निशमन दलाच्या जवानांच्या मदतीने महिलेचा जीव वाचवला.