फाईल फोटो
बीड, 14 नोव्हेंबर : राज्यात दिवसेंदिवस गुन्हेगारीच्या घटनांमध्ये मोठ्या प्रमाणात वाढ होत असल्याचे पाहायला मिळत आहे. यातच आता बीड जिल्ह्यातून आणखी एक धक्कादायक बातमी समोर आली आहे. पत्नीनेच नवर्‍याचा दोरीने गळा आवळून खून केल्याने खळबळ उडाली आहे. ही खळबळजनक घटना बीडच्या परळी तालुक्यातील हिवरा येथे घडली. काय आहे संपूर्ण प्रकरण - बीडच्या परळी तालुक्यातील हिवरा गावात पत्नीनेच नवर्‍याचा दोरीने गळा आवळून खून केल्याची खळबळजनक घटना उघडकीस आली आहे. आधी नवर्‍याचा दोरीने गळा आवळून नंतर त्याने गळफास घेतल्याचा कांगावा करत महिलेने पोलिसांना माहिती दिली. मात्र, शवविच्छेदनात खरा प्रकार उघडकीस आल्यानंतर पत्नीवर खुनाचा गुन्हा दाखल करण्यात आला आहे. परळी तालुक्यातील हिवरा येथे राजाभाऊ अशोक काकडे (वय 30 वर्षे) हा आपल्या पत्नीसह राहत होता. राजाभाऊची पत्नी वैष्णवी हिच्यासोबत त्याचे जोरदार भांडण झाले. त्यानंतर रात्री उशीरा वैष्णवी आणि हनुमान ऊर्फ राजाभाऊ झोपण्यासाठी खोलीत गेले. वैष्णवीने खोलीचा दरवाजा लावून घेतला. रात्री एक ते दीड वाजण्याच्या सुमारास तिने हनुमान याचा गळा दोरीने आवळला. त्यानंतर तिने सुताची दोरी छताच्या हुकाला अडकवली. हेही वाचा - Nagpur Murder : नागपुरात चाललंय तरी काय? तिहेरी हत्याकांडाने खळबळ दरवाजा उघडून बाहेर येत हनुमान याने गळफास घेऊन आत्महत्या केल्याचा कांगावा केला. राजाभाऊ याचा मृत्यू हा गळा दाबल्याने झाल्याचे निष्पन्न झाले. त्यानंतर सिरसाळा पोलिसांनी या प्रकरणी वैष्णवीविरोधात कलम 302 नुसार खुनाचा गुन्हा दाखल केला आहे. एका पत्नीने आपल्या पतीची हत्या केल्याच्या या घटनेनंतर परिसरात मोठी खळबळ उडाली आहे.