मुंबई, 10 एप्रिल : कोरोना व्हायरसमुळे सध्या देशभरात लॉकडाऊन करण्यात आलं आहे. त्यामुळे कोणालाच घरातून बाहेर पडणं शक्य होत नाही. हे यासाठी की सोशल डिस्टसिंग मेंटेन केलं जाईल आणि कोरोनाचं संक्रमण रोखलं जाईल. पण असं असतानाही काही लोक अद्याप ऐकण्याचं नाव घेत नाहीत. अशात आता अभिनेता सलमान खाननं शेअर केलेले काही फोटो सोशल मीडियावर चर्चेत आले आहेत. दबंग खाननं असे काही फोटो शेअर केले आहेत जे पाहिल्यावर कोणाही भावुक झाल्याशिवाय राहणार नाही. सलमान खाननं त्याच्या इन्स्टाग्रामवर काही फोटो शेअर केले आहेत. जे एका कब्रस्तानातील आहेत. या कब्रस्तानाच्या आसपास शांतता असलेली दिसत आहे. कब्रस्तानकडून घेण्यात आलेल्या या निर्णयाचं सलमाननं कौतुक केलं आहे. सध्याच्या परिस्थितीचं गांभीर्य पाहता कब्रस्तान बंद केल्याबद्दल सलमाननं त्यांचे आभार मानले आहे. एका सर्जरीमुळे होत्याचं नव्हतं झालं, छोट्याशा चुकीनं अभिनेत्रीचं करिअरच संपलं
सलमाननं बंद कब्रस्तानाचे फोटो शेअर करत त्याच्या कॅप्शनमध्ये लिहिलं, ‘छान! सध्याच्या परिस्थितीचं गांभीर्य समजून घेतल्याबद्दल धन्यवाद. देव सर्वांचं रक्षण करो. #IndiaFightsCorona’ सलमाननं शेअर केलेले हे फोटो सध्या सोशल मीडियावर खूप व्हायरल होताना दिसत आहेत. कब्रस्तान बंद करण्याच्या या निर्णयाचं लोक खूप कौतुक करताना दिसत आहेत आणि कोरोना व्हायरसच्या या संकटात एकजूट दाखवल्याबाबत आभारही मानताना दिसत आहेत. Lockdown मध्ये गुगलवर काय सर्च करत आहेत भारतीय, वाचून बसेल धक्का
भारतात कोरोना व्हायरसच्या संक्रमणानंतर सलमाननं त्याच्या आगामी सिनेमाचं शूटिंग सुद्धा थांबवलं होतं. याशिवाय सरकार कडून दिल्या जाणाऱ्या सूचनांचं पालन करुन तो मागच्या बऱ्याच दिवसांपासून घरी आहे आणि चाहत्यांनाही घरी राहण्याचं आवाहन करताना दिसत आहे. याशिवाय सिनेइंडस्ट्रीमध्ये काम करणाऱ्या 16 हजार कामगाराच्या पोटोपाण्याची प्रश्न निर्माण झाल्यावर त्यानं तत्काळ त्यांना मदतीचा हातही दिला. सध्या महाराष्ट्रातील परिस्थिती पाहता हे लॉकडाऊन आणखी काही काळ वाढवलं जाण्याची शक्यता आहे. (संपादन : मेघा जेठे.) Lockdownमध्ये करिनाला आली बीचची आठवण, शेअर केला Bikini Photo