अथिया शेट्टी-केएल राहुल
मुंबई, 18 जानेवारी- बॉलिवूड अभिनेते सुनील शेट्टीची मुलगी आणि अभिनेत्री अथिया शेट्टी सध्या क्रिकेटर केएल राहुल सोबतच्या रिलेशनशिपमुळे प्रचंड चर्चेत आहे. 2023 या नवीन वर्षात अनेक सेलिब्रेटी कपल्सच्या लग्नाचा अंदाज वर्तविला जात आहे. यामध्ये अथिया आणि केएल राहुलच्या नावाचादेखील समावेश आहे. गेल्यावर्षीपासून या दोघांच्या लग्नाच्या चर्चांनी जोर धरला आहे. मात्र मध्यंतरी केएल राहुलवर झालेली शस्त्रक्रिया आणि विविध सामन्यांमुळे हे लग्न पुढं ढकलल्याचं सांगण्यात आलं होतं. दरम्यान आता पुन्हा एकदा या दोघांच्या लग्नाच्या चर्चांनी जोर धरला आहे. लग्नाच्या चर्चेदरम्यान त्यांचा पाली हिल्स बंगाल्यावर सुंदर अशी विद्युतरोषणाई करण्यात येत आहे. त्यामुळे लग्नाची तयारी सुरु झाल्याचं म्हटलं जात आहे. केएल राहुल किंवा अथिया शेट्टी यांच्याकडून लग्नाबाबत कोणतीही अधिकृत घोषणा करण्यात आलेली नाहीय. मात्र मीडिया रिपोर्ट्सनुसार, या दोघांच्या लग्नाची जय्यत तयारी सुरु आहे. या सोहळ्याची सुरुवात सजावटीपासून झालेली दिसून येत आहे. त्यांच्या पाली हिल्सवरील प्रसिद्ध बंगल्यावर मोठ्या प्रमाणात विद्युतरोषणाई केली जात आहे. फिल्मीज्ञानने आपल्या अधिकृत इन्स्टाग्राम अकाउंटवर शेअर केलेल्या एका व्हिडीओमध्ये हा पाली हिल्स बंगला विद्युतरोषणाईने झळाळून निघाला आहे. त्यामुळे या सेलिब्रेटी कपल्सच्या लग्नाची जोरदार तयारी सुरु असल्याचं दिसून येत आहे. (हे वाचा: Kl Rahul-Athiya: ठरलं! केएल राहुल-अथिया शेट्टी ‘या’ठिकाणी करणार ग्रँड वेडिंग; समोर आली तारीख ) अथिया शेट्टी आणि केएल राहुल यांनी आपल्या लग्नाबाबत कोणतीही घोषणा केलेली नसली, तरी त्यांच्या हालचालीवरुन लग्नाच्या चर्चांनी जोर धरला आहे. सजावटीसोबतच इतरही काही गोष्टी समोर आल्या आहेत. नुकतंच अथिया शेट्टी आपला भाऊ आणि अभिनेता अहान शेट्टीसोबत एका प्रसिद्ध सेलिब्रेटी डिझायनरकडे पोहोचली होती. तिला आणि अहानला पापाराझींनी आपल्या कॅमेऱ्यात कैद केलं होतं. त्यामुळे त्यांच्या लग्नाचा अंदाज खरा असल्याचं सांगितलं जात आहे.
विविध मीडिया रिपोर्ट्सनुसार, बॉलिवूड अभिनेत्री अथिया शेट्टी आणि क्रिकेटर केएल राहुल यांच्या लग्नाबाबत मोठी बातमी समोर आली आहे. हे सेलिब्रेटी कपल या महिन्याच्या 2३ तारखेला लग्नबंधनात अडकणार आहेत. तसेच २१ तारखेपासून त्यांच्या लग्नाआधीच्या कार्यक्रमांना सुरुवात होणार आहे. इ टाईम्सच्या रिपोर्ट्सनुसार, लग्नानंतर अथिया आणि केएल राहुल आपल्या नव्या घरात संसार थाटणार आहेत. विशेष म्हणजे या सेलिब्रेटी कपलच हे नवं घर बॉलिवूड स्टार आलिया भट्ट आणि रणबीर कपूरच्या घरापासून अगदी जवळ आहे. म्हणजेच या दोघांचे घर एकाच ठिकाणी असणार आहेत.
मीडिया रिपोर्टसनुसार, अथिया शेट्टी आणि केएल राहुल यांचं लग्न इतर कुठे नव्हे तर खंडाळामध्ये होणार आहे. अथियाचे वडील सुनील शेट्टी यांच्या या खंडाळा बंगल्यात हे जोडपं लग्नगाठ बांधणार आहे. फारच कमी लोकांना माहिती असेल की अभिनेता सुनील शेट्टीचा खंडाळा फार्महाउस अतिशय भव्य आणि आलिशान आहे. अर्थातच या लव्ह बर्ड्सचा विवाहसोहळासुद्धा तितकाच खास आणि भव्य असणार आहे.