अवधूतला नेमक कोण देतयं त्रास पाहिलं का? व्हिडिओ व्हायरल
मुंबई, 25 जुलै- संगीतकार, गायक आणि दिग्दर्शक अवधूत गुप्ते हा खुपते तिथे गुप्ते या मुलाखतीच्या कार्यक्रमामुळे सध्या चर्चेत आहे. आत्तापर्यंत अवधूत गुप्तेने राज ठाकरे, नारायण राणे, संजय राऊत अशा राजकीय मंडळींची मुलाखत घेऊन त्यांना खुपणाऱ्या गोष्टी विचारल्या आहेत. अशात आता अवधूत गुप्तेने इन्स्टाग्रामवर व्हिडिओ पोस्ट करत त्याला काय खुपतं तेच सांगितलं आहे. सध्या त्याची ही पोस्ट चांगलीच चर्चेत आली आहे. अवधूतच्या घरात काही ‘बिन बुलाए मेहमान’ आले आहेत. त्यांनी घराचा ताबा घेतला असून ते अवधूत आणि त्याच्या कुटूंबाला खूप त्रास देत आहे. त्याच्या घरात एक माकड घुसून उच्छाद मांडताना दिसत आहे. अवधूत गुप्तेने त्याचा एक व्हिडिओ शेअर केला आहे. आता अनेकदा आपण वन्यप्राणी शहरी वस्तीमध्ये घुसल्याच्या घटना वाचत असतो. अनेक पर्यटनस्थळी असेच आपल्याला माकाडाचे कळप पाहायला मिळतात. आता ही माकडं देखील माणसाळीली आहेत. अवधूतच्या घरात येणारी माकडं देखील अशीच या वातावरणात रूळलेली दिसतं आहे. नेहमी दुसऱ्यांना तुम्हाला काय खुपते असं विचारणाऱ्या अवधूतला ही माकडं मात्र खुपत आहे. त्याची ही पोस्ट मात्र खूपच मजेशीर अशी आहे. वाचा- रश्मिकाला विसरा ‘हिला’ पाहा, एका सिनेमातून मिळवते इतके कोटी अवधूत गुप्तेने या पोस्टमध्ये म्हटलं आहे की,अहो गुप्ते .. तुम्हाला काय खुपते?तर सध्या आम्हाला दररोज सकाळी उठून बघायला मिळणारी एक “माकड चेष्टा” खुपते!!😂व्हिडिओमध्ये दिसणारी ही माझी आई. हीचंच आम्ही दोन वर्षांपूर्वी लंग ट्रान्सप्लांटचं ऑपरेशन केलंय. तर, तिच्या नाकावर टिच्चून घरात येऊन केळी पळवणारा (पळवणारा कुठला.. तिथेच बसून खाणारा!) आणि तिच्याच अंगावर धावून जाणारा हा हुप्प्या बघा! हा त्रास आमच्या बोरिवलीतल्या श्रीकृष्ण नगर मधल्या प्रत्येक रहिवाशाला आता असह्य झाला आहे! अनेकांनी वनखात्याकडे तक्रार देखील केली आहे. वनखाते देखील काही उपाययोजनांचा विचार नक्कीच करत असेल, ह्याची मला खात्री आहे. ‘संजय गांधी राष्ट्रीय उद्यान‘ हे बाजूलाच असल्यामुळे, विविध पक्षी- प्राण्यांच्या भेटी हे खरंतर आमच्या श्रीकृष्णनगरचे आभूषण. आम्ही हे वर्षानुवर्षांपासून मिरवत देखील आलो आहोत. पण, माकडांचा त्रास हा कोरोना पश्चात कित्येक पटींनी वाढला आहे, हे मात्र खरं! .. आणि ह्याचं खरं कारण म्हणजे “त्याआधी वर्षानुवर्षे उद्यानात फिरायला गेलेल्या आपण सगळ्यांनी ह्याच माकडांना खायला दिलेली केळी, वडापाव, पॉपकॉर्न आणि लेज्!”
ही माकडं पिढ्यानपिढ्यापासून आता ‘शंभर टक्केच्या वन्य जीवनाला‘ मुकली आहेत. झाडावर राहतात, तरी टाकीवरच्या पत्र्याखाली झोपतात. आमच्याच झाडावरच्या तुत्या, जाम, आंबे, पेरू वगैरे फळे काढून खातात सुद्धा. पण, ते केवळ हौसे खातर! बाकी.. सकाळी घरांच्या खिडक्यातून चपात्या लाटण्याचे आवाज आणि फोडण्यांचा वास सुटला, की खिडकीच्या जाळ्यांवर येऊन ओरडा आरडा करून हक्काने हे सर्व पदार्थ मागतात. माकडं यायची. कोरोना आधी सुद्धा यायची. पण, महिन्या-दोन महिन्यातून चुकून भरकटत आलेली अशी. करोना काळात संजय गांधी राष्ट्रीय उद्यानात पर्यटकांना जायची परवानगी बंद झाली आणि त्याबरोबरच बंद झाला ह्या माकडांचा खुराक. मग ह्या वेळेस तो खुराक शोधत ती इथे आली आणि मग इथलीच झाली. आता ती इथेच राहतात आणि छळतात!
बाकी स्ट्रगल चालूच राहील.. फक्त ह्यापुढे तुम्ही कुठेही फिरायला गेलात आणि माकड दिसल्यावर त्यांना काही बाही खाऊ द्यायला तुमचा हात किंवा मुलं पुढे सरसावलीच.. तर हा व्हिडिओ नक्की आठवा! एवढेच काय ते.. शुभ दिवस! आता अवधूतची ही पोस्ट सोशल मिडियावर व्हायरल होत आहे. अनेक नेटकरी त्यावर कमेंट करत आहेत.