पिंपरी चिंचवड, 16 नोव्हेंबर : राज्यात दिवसेंदिवस गुन्हेगारीच्या घटनांमध्ये मोठ्या प्रमाणात वाढ होत असल्याचे दिसत आहे. अनैतिक संबंध, विवाहबाह्य संबंधातून खुनाच्या, आत्महत्येच्या घटनाही सातत्याने समोर येत आहेत. त्यातच आता आणखी एक धक्कादायक बातमी पुण्यातून समोर आली आहे. विवाहबाह्य संबंध ठेवणाऱ्या महिलेच्या जाचाला कंटाळून तिच्या प्रियकराने आत्महत्या केल्याची धक्कादायक घटना घडली. विकास माळवे असे मृत प्रियकराचे नाव आहे. ही धक्कादायक घटना पिंपरी चिंचवड येथे घडली. आत्महत्या करण्याआधी प्रियकराने सुसाईड नोट लिहून गंभीर आरोप केला होता. आता याप्रकरणी पोलीस अधिक तपास करत आहेत. मात्र, अद्याप संशयित आरोपी महिलेला अटक करण्यात आलेली नाही. महिलेचा प्रियकराला इशारा - दरम्यान, याप्रकरणी धक्कादायक खुलासा झाला आहे. दुसऱ्या कुणाशी लग्न करायचं नाही, असा इशारा या विवाहित प्रेयसी महिलेने आपल्या प्रियकराला दिला होता. तसेच तू माझ्यासोबत येऊ राहा. माझ्यासोबत राहिला नाहीस, तर पोलिसात जाऊन केस करेन, अशी धमकीही आरोपी विवाहित महिलेने आपल्या प्रियकराला दिली होती, असा आरोप सुसाईड नोटमध्ये करण्यात आला आहे. हेही वाचा - प्रेयसीवर एवढं प्रेम की थेट घेतला जीव अन् म्हणाला…‘सॉरी बाबू स्वर्गात भेटू…’ दरम्यान, घटनेची माहिती मिळताच पोलीस घटनास्थळी हजर झाले. यानंतर त्याठिकाणी पोलिसांनी तपास केला असता पोलिसांना एक सुसाईड नोट आढळून आली. पोलीस आता या अनुषंगाने तपास करत आहेत. महिलेच्या जाचाला कंटाळून विकास माळवे याने आत्महत्या केली आहे का, याचा तपास पोलीस करत आहेत. अजून याप्रकरणी कुणालाही अटक करण्यात आलेली नाही. तसेच ज्या महिलेच्या जाचाला विकासने आत्महत्या केली, ती महिला कोण? याचा शोध घेतला जातो आहे. दरम्यान, या घटनेनंतर मोठी खळबळ उडाली आहे.