श्रद्धापेक्षा क्रूर हत्या!
जयपूर, 18 डिसेंबर : राजस्थानमधील जयपूर येथील सरोज शर्मा हत्याकांडात अनेक खळबळजनक खुलासे झाले आहेत. यानंतर आणखी एक धक्कादायक सत्य समोर आले आहे. महिलेची हत्या करून तिचे 10 तुकडे करणाऱ्या पुतण्याने मृतदेहाची विल्हेवाट लावण्यासाठी गुगल मॅपची मदत घेतल्याचे पोलिस तपासात उघड झाले आहे. एवढेच नाही तर त्याने सत्य लपवण्याचा प्रयत्न केला. क्षुल्लक कारणावरून त्याने ज्या पद्धतीने त्याच्या मावशीचे तुकडे केले त्यावरून आरोपी सायको असल्याचे पोलिसांचे म्हणणे आहे. विशेष म्हणजे 11 डिसेंबर रोजी शहरातील विद्याधरनगर भागातील लालपुरिया अपार्टमेंट सेक्टर-2 मध्ये अनुजने आपली मावशी सरोज शर्मा (64) यांच्या डोक्यात हातोड्याने वार करून तिची हत्या केली होती. त्यानंतर मृतदेह जंगलात फेकून देण्यापूर्वी बाथरूममध्ये मार्बल कटर मशीनने मृतदेहाचे 10 तुकडे केले. मावशीचा सत्संगाला जाण्यास नकार मिळालेल्या माहितीनुसार, अनुजच्या आईचा कोविड दरम्यान मृत्यू झाला होता. यानंतर फक्त सरोज शर्माच तिची काळजी घ्यायची. 11 डिसेंबर रोजी अनुजने त्याची मावशी सरोज यांना दिल्लीतील सत्संगाला जाण्यास सांगितले. मावशीने नकार दिल्याने दोघांमध्ये वाद झाला आणि अनुजने हातोडा उचलून त्यांच्या डोक्यात मारला. जास्त रक्तस्त्राव झाल्याने महिलेचा जागीच मृत्यू झाला. वाचा - पत्नीशी वाद, पतीने चिमुकल्याला तिसऱ्या मजल्यावरून फेकलं; नंतर स्वत:ही मारली उडी मृतदेहाची विल्हेवाट लावण्यासाठी गुगल मॅपची मदत यानंतर अनुजने हार्डवेअरच्या दुकानातून मार्बल कटर मशीन आणून मृतदेहाचे 10 तुकडे केले. ते एका पिशवीत भरले. ह्या तुकड्यांची विल्हेवाट लावण्यासाठी त्याने गुगल मॅपची मदत घेतली. या प्रकरणाचे एक सीसीटीव्ही फुटेजही समोर आले आहे, ज्यामध्ये अनुज घरातून सुटकेस घेऊन जाताना दिसत आहे. शीर आणि पंजे एकाच ठिकाणी फेकले “तपास आणि चौकशीत असे समोर आले आहे की, मृतदेहाचे तुकडे करून अनुज दिल्लीच्या रस्त्यावरील जंगलात गेला. येथे त्याने वेगवेगळ्या ठिकाणी तुकड्यांची विल्हेवाट लावली. हात आणि पायांचे भाग ठेवले”. त्या दुष्टाने महिलेचे डोके व पंजे एका ठिकाणी तर धड दुसऱ्या ठिकाणी आणि हात व पायांचे भाग तिसऱ्या ठिकाणी फेकले. पोलिसांकडून शरीराच्या इतर अवयवांचा शोध पोलिसांनी आरोपी अनुज शर्मा उर्फ अचिंत्याला अटक केली आहे. यासोबतच जंगलातून मृतदेहाचे काही भागही ताब्यात घेतले आहेत. पोलीस अद्याप महिलेच्या शरीराच्या इतर अवयवांचा शोध घेत आहेत. पोलिसांनी हत्येसाठी वापरलेली हत्यारे आणि इतर साहित्य जप्त केले आहे. वाचा - वयाच्या नवव्या वर्षी 17 फूट खोल तळघरात डांबलं; माती खाऊन जगली 17 दिवस अन्… अनुज उर्फ अचिंत्य हा सधन कुटुंबातील आरोपी अनुज शर्मा उर्फ अचिंत्य गोविंददास (32 वर्षे) हा सधन कुटुंबातील आहे. त्याचे वडील एका बँकेत असिस्टंट जनरल मॅनेजर पदावरून निवृत्त झाले आहेत. तो त्याची मावशी सरोज शर्मा (64), वडील, तीन चुलत भाऊ, दोन चुलत भाऊ आणि एक भाऊ यांच्यासोबत राहत होता.
स्वतःचे नाव अचिंत्य गोविंददास ठेवले होते अचिंत्यने एका खाजगी महाविद्यालयातून अभियांत्रिकी केले. यानंतर त्याने काही काळ खासगी कंपनीत नोकरीही केली. मात्र, नोकरी सोडून ब्रह्मचारी जीवन जगू लागला होता. हरे कृष्ण चळवळीमुळे प्रभावित होऊन त्याने 2012-13 मध्ये नोकरी सोडली आणि मंदिरात प्रवेश घेतला. येथेच त्याने आपले नाव बदलून अचिंत्य गोविंददास ठेवले.