प्रतीकात्मक फोटो
मुंबई, 02 जानेवारी: देशभरात आणि राज्यातही आता शाळा आणि कॉलेजेस नियमीतपणे सुरु झाले आहेत. त्यामुळे विद्यार्थ्यांच्या परीक्षाही सुरु झाल्या आहेत. 2022 मध्ये, राज्य आणि केंद्रीय स्तरावरील स्पर्धा परीक्षांसोबतच, सर्व राज्यांच्या बोर्डाच्या परीक्षाही होणार आहेत इतकेच नाही तर CBSE (CBSE Board exams 2022) आणि CISCE बोर्डच्या टर्म 2 परीक्षा देखील होणार आहेत. याशिवाय सर्व वर्गांच्या युनिट चाचण्याही शालेय स्तरावर सुरू झाल्या आहेत. मात्र इतके महिने ऑनलाईन पद्धतीनं सुरु असलेल्या परीक्षा आता ऑफलाईन पद्धतीनं होणार आहे. जर तुम्हालाही कोणत्याही परीक्षेत यश मिळवायचं असेल तर आज आम्ही तुम्हाला काही टिप्स देणा आहोत ज्यामुळे तुम्ही कोणतीही परीक्षा पास करू शकता. 2022 च्या सुरुवातीच्या महिन्यांत अनेक परीक्षा होणार आहेत. यामध्ये CTET 2021 (CTET 2021), UPTET 2021 (UPTET 2021), NDA परीक्षा 2022 (NDA परीक्षा 2022), बोर्ड परीक्षा 2022 (Board Exam) जेईई मेन 2022 (JEE Mains 2022) इत्यादींचा समावेश आहे. सर्वच उमेदवारांसाठी हा काळ खूप कठीण आहे. जर तुम्ही यापैकी कोणत्याही परीक्षेला बसणार असाल तर अभ्यास आणि लेखनाच्या वेळापत्रकासोबतच आरोग्याची विशेष काळजी घ्यावी लागेल. परदेशात शिक्षणासाठी आता पैशांची करू नका चिंता; अशी मिळवू शकता आर्थिक मदत स्मार्ट अभ्यासाचे वेळापत्रक तयार करा कोणतीही परीक्षा उत्तीर्ण होण्यासाठी स्मार्ट अभ्यास योजना असणे अत्यंत आवश्यक आहे. येथे स्मार्ट अभ्यास योजना म्हणजे तुमचा वेळ आणि अभ्यासक्रम कुशलतेने व्यवस्थापित करणे. तुमचे अभ्यासाचे वेळापत्रक व्यवस्थित असावे जेणेकरून तुम्हाला चांगले गुण मिळतील. सामान्य ज्ञानावर लक्ष केंद्रित करा एनडीए परीक्षा आणि इतर स्पर्धात्मक परीक्षा उत्तीर्ण होण्यासाठी इंग्रजीवर चांगले प्रभुत्व असणे आवश्यक आहे. या परीक्षांमध्ये इंग्रजीची चाचणी केवळ लेखी स्वरूपातच होत नाही, तर मुलाखतींमध्येही घेतली जाते. सामान्य ज्ञान हा देखील बहुतेक परीक्षांच्या अभ्यासक्रमाचा एक भाग असतो. त्यामुळे त्याची चांगली तयारी करा. वर्तमानपत्रे, मासिके इत्यादी वाचून सामान्य ज्ञान मजबूत करा. JOB ALERT: स्वामीनारायण स्कूल नागपूर इथे शिक्षकांच्या 52 जागांसाठी भरती अभ्यास साहित्य निवडताना काळजी घ्या कोणत्याही परीक्षेची तयारी योग्य पुस्तकांसह करणे अत्यंत आवश्यक आहे. बाजारात अनेक प्रकारची पुस्तके उपलब्ध आहेत परंतु सर्वांकडून योग्य मार्गदर्शन मिळू शकत नाही. त्यामुळे वरिष्ठांकडून किंवा तज्ज्ञांकडून संपूर्ण माहिती घेतल्यानंतर योग्य पुस्तक निवडा.