नवी दिल्ली, 10 ऑगस्ट: पोस्ट ग्रॅज्युएट डिप्लोमा इन मॅनेजमेंट (PGDM courses admission), पोस्ट ग्रॅज्युएट सर्टिफिकेट इन मॅनेजमेंट (PGCM) या कोर्सेससह सर्व स्वतंत्र कॉलेजेसमध्ये 5 टक्के जागा कमी आर्थिक उत्पन्न असलेल्या घरातल्या विद्यार्थ्यांसाठी ठेवाव्यात असा निर्णय AICTE (Reserved seats for lower family income students) ने घेतला आहे. देशातल्या इंजिनिअरिंग, व्यवस्थापन, फार्मसी अशा महत्त्वाच्या तंत्रशिक्षणाशी संबंधित अभ्यासक्रम, प्रवेश आणि कॉलेजबाबत निर्णय घेणारी शिखर संस्था असलेल्या AICTE च्या या निर्णयाने या विषयांचं शिक्षण घेणाऱ्या विद्यार्थ्यांना लाभ होणार आहे. वार्षिक आठ लाख रुपये किंवा त्यापेक्षा कमी कौटुंबिक उत्पन्न असलेल्या विद्यार्थ्यांसाठी राखीव ठेवाव्यात, असं अखिल भारतीय तंत्रशिक्षण परिषदेने (AICTE) कॉलेजेसना सांगितलं आहे. ट्यूशन फी-माफी (Tuition Fee Waiver) योजनेअंतर्गत या विद्यार्थ्यांना फीमध्ये रिबेट दिलं जाणार आहे. इंटरनॅशनल बिझनेस मॅनेजमेंटला जगात मोठी मागणी; मिळतो लाखो रुपये पगार AICTE ने पाठवलेल्या नोटिशीत म्हटलं आहे, की सर्व स्वतंत्र कॉलेजेसना (Standalone Colleges) या वर्गातल्या विद्यार्थ्यांसाठी जागा राखीव ठेवणं बंधनकारक आहे. प्रत्येक कोर्सच्या एकूण मंजूर प्रवेशक्षमतेच्या पाच टक्के एवढ्या या योजनेअंतर्गत विद्यार्थ्यांना उपलब्ध असतील. तसंच, या जागा सुपरन्यूमररी (Supernumerary) प्रकारच्या असतील. म्हणजेच सध्या संस्थेत प्रवेशासाठी उपलब्ध असलेल्या एकूण जागांमध्ये या जागा मिळवल्या जातील. अर्थात, आधीच्या शैक्षणिक वर्षात (Academic Year) मंजूर प्रवेशक्षमतेच्या 50 टक्के जागा भरल्या गेल्या असतील, अशाच इन्स्टिट्यूटमधल्या कोर्सेससाठी या सुपरन्यूमररी प्रकारच्या जागा उपलब्ध असतील, असंही AICTE ने स्पष्ट केलं आहे.
Big News: अकरावीची सीईटी न्यायालयाकडून रद्द, दहावीच्या मार्कांआधारे होणार प्रवेशवार्षिक आठ लाख रुपये किंवा त्यापेक्षा कमी कौटुंबिक उत्पन्न असलेले विद्यार्थी या सवलतीसाठी पात्र ठरणार असून, त्यांना केवळ ट्यूशन फी माफ केली जाणार आहे. बाकीची फी विद्यार्थ्यांना भरावी लागणार आहे. या विद्यार्थ्यांची शैक्षणिक पात्रता (Academic Eligibility) अन्य विद्यार्थ्यांप्रमाणेच असणं आवश्यक आहे. त्यांना पात्रतेत कोणत्याही प्रकारची सवलत नाही.
एखाद्या वेळी या वर्गातले विद्यार्थी उपलब्ध नसतील, तरीही अन्य कोणत्याही कॅटेगरीच्या विद्यार्थ्यांना त्या कॅटेगरीमध्ये प्रवेश दिला जाऊ नये, असंही AICTEने म्हटलं आहे. या कॅटेगरीमधल्या प्रवेशासाठी अर्ज मागवण्याकरिता शिक्षणसंस्था वेगळी व्यवस्था करतील, असंही AICTE ने स्पष्ट केलं आहे.
‘हे’ आहेत भारतातील सर्वात जास्त पगार देणारे टॉप सेक्टर्स; पगार बघून व्हाल थक्कया कॅटेगरीसाठी शिक्षणसंस्थांनी वेगळी Merit List (गुणवत्ता यादी) तयार करावी आणि त्याआधारे या कॅटेगरीतले प्रवेश केले जावेत, असंही AICTE ने सांगितलं आहे. प्रत्येक स्टँडअलोन संस्थेने आपलं माहितीपत्रक (Brochure) आणि वेबसाइटवर ट्यूशन फी-माफी योजनेचा स्पष्ट उल्लेख करणं आवश्यक आहे. तसंच, या संस्थांनी या कॅटेगरीमध्ये प्रवेश दिलेल्या विद्यार्थ्यांची वेगळी यादी AICTE च्या वेबपोर्टलवर कम्प्लायन्ससाठी (Compliance) अपलोड करणंही गरजेचं असल्याचं AICTE ने सांगितलं आहे.