कॉफी
नवी दिल्ली, 16 जानेवारी : नोकरी मिळवण्यासाठी अनेकजण खूप मेहनत आणि कष्ट घेत असतात. एक चांगली नोकरी मिळवण्यासाठी खूप तयारीही करतात. याशिवाय बॉसदेखील कर्मचाऱ्यांना कामावर ठेवण्यापूर्वी त्यांची व्यवस्थित पडताळणी करुन मुलाखत घेऊन त्यांना जॉब देतात. आपल्या कंपनीत कर्मचाऱ्याने चांगलं काम करावं यासाठी बॉस कर्मचाऱ्यांचं कौशल्य पाहतात मगच त्यांना नोकरीवर ठेवतात. असाही एक बॉस आहे जो आपल्या कंपनीत नोकरीवर ठेवण्यापूर्वी एक अनोखी मुलाखत घेतो. याचं कारण आणि यामगाचा असलेला हेतू ऐकून तुम्हीही थक्क व्हाल. ब्रिटीश बॉसच्या मुलाखतीच्या अशा अनोख्या स्टाईलची सध्या सर्वत्र चर्चा होत आहे. हा बॉस आपल्या कर्मचार्‍यांना कामावर ठेवण्यापूर्वी, तो एक कप कॉफी पितो आणि मग काय करायचे ते ठरवतो. ट्रेंट इनेस नावाच्या कंपनीच्या सीईओने आपल्या खास मुलाखतीबद्दल जगाला सांगितले आहे, जी ऐकायला खूप सोपी आहे पण खूप अर्थपूर्ण आहे. हेही वाचा - Selfie साठी वंदे भारतमध्ये बसला अन् थेट घरापासून 150 KM दूर पोहोचला, पाहा व्यक्तीसोबत काय झालं..VIDEO बॉस नोकरीच्या मुलाखती दरम्यान कॉफी कप चाचणी घेतात, डेली स्टारने दिलेल्या अहवालानुसार, उमेदवाराचे कौशल्य तपासण्यासाठी, मुलाखतीच्या वेळी बॉस त्याला स्वयंपाकघरात घेऊन जातो आणि नंतर तो एक कप कॉफी घेऊन परत येतो. यादरम्यान, मुलाखतीमध्ये संभाषण होते आणि शेवटी त्यांचे संभाषण संपते. त्यानंतरच बॉस ठरवतो की त्याने उमेदवार आपल्या कंपनीत ठेवायचा की नाही. तुम्ही असाही विचार करत असाल की सॉफ्टवेअर कंपनीत नोकरीचा कॉफीशी काय संबंध? हे शेफ किंवा रेस्टॉरंटचे काम नाही. त्यामागे खास कारण आहे.
कॉफी संपल्यानंतर रिकामा कप स्वयंपाकघरात नेणाऱ्या उमेदवाराला बॉस कधीच कामावर ठेवत नाहीत. त्याऐवजी बॉसला कॉफीचा कप धुणाऱ्या उमेदवारात जास्त रस असतो. अशा लोकांना तो संघातील खेळाडू मानतो. सीईओच्या म्हणण्यानुसार, त्याच्या हावभावावरून असे दिसून येते की तो त्यांच्यासोबत काम करताना इतर लोकांची काळजी घेईल. आणि त्याच लोकांना तो कामावर ठेवतो.