भोपाळ, 27 जानेवारी : अनेक व्हिडीओ आपल्याला थक्क करतात तर काही व्हिडीओ विचार करायला भाग पाडतात. मध्य प्रदेशातील एक असाच व्हिडीओ धक्का देणारा आहे. मध्यप्रदेशातील (Madhya Pradesh News) आलीराजपुरमध्ये चालत्या बाईकवर तरुणाचा मृत्यू (Death) झाल्याचा लाइव्ह व्हिडीओ आहे. ज्यात 45 वर्षीय एक व्यक्ती रस्त्याशेजारी बाईकसोबत खाली पडतो आणि अचानक त्याचा मृत्यू होता. मृत्यू लाइव्ह व्हिडीओमध्ये (death Live Video) कैद झाला आहे. हैराण करणारी बाब म्हणजे रात्रभर त्याचा मृतदेह रस्त्यावरच पडला होता. ही घटना रात्री उशिरा आजीराजपुरच्या जोबट भागात घडली होती. हा व्हिडीओ जुना आहे. मात्र आजही ही घटना मन सुन्न करते.
त्या रात्री नेमकं काय घडलं? CCTV फुटेजमध्ये एक व्यक्ती रस्त्याशेजारी बाइक थांबवताना दिसत आहे. यानंतर तो गाडी पुढे घेता. मात्र यादरम्यान अचानक रस्त्याशेजारील गटारात पडतो. आजूबाजूचे लोक त्याला उचलण्याचा प्रयत्न करीत होते. मात्र तो उठत नव्हता. व्हिडीओमध्ये पाहू शकता की, काही लोक त्याला उचलण्यासाठी आले होते. मात्र त्याची अवस्था पाहून त्यांनी त्याला तेथेच ठेवलं. बाईक स्वाराचा मृतदेह संपूर्ण रात्रं रस्त्याच्या किनाऱ्यावर पडून होता. रविवारी सकाळी जवळून जाणाऱ्या लोकांनी त्याला पाहिलं आणि पोलिसांना याबाबत माहिती दिली. हे ही वाचा- लातूर: भरदिवसा पाडला रक्ताचा सडा; महाविद्यालयीन तरुणावर कोयत्याचे वार,पाहा VIDEO पोस्टमार्टम रिपोर्टनंतर मृत्यूचं कारण येईल समोर... जोबट पोलीस घटनास्थळी पोहोचले आणि मृतदेह जिल्हा रुग्णालयात पोहोचवला. या व्यक्तीचं नाव हुसैन असून (45) धरमराय येथील राहणारा आहे.
पोलिसांनी मृत व्यक्तीच्या कुटुंबीयांना कळवलं होतं. त्या कुटुंबासाठीही ही घटना धक्कादायकच असेल.