इस्लामाबाद, 5 ऑगस्ट : पाकिस्तानात कट्टरपंथियांनी हिंदुंच्या मंदिराची तोडफोड केली आहे. पाकिस्तानी सोशल मीडिया युजर्सनुसार, ही घटना पंजाब प्रांतातील भोंग शहरातील असल्याचं बोललं जात आहे. बुधवारी संध्याकाळी गणपती मंदिरात काही समाजकंटकांकडून ही तोडफोड करण्यात आली. पंजाब प्रांतातील भोंग शहरात असलेल्या गणपती मंदिरात समाजकंटकांनी ही तोडफोड केली. त्यांनी मंदिरातील मूर्तीसह इतरही वस्तूंची नासधूस केली आहे. मंदिरात लावलेले झुंबर, काचेच्या सजावटीच्या सामानाची तोडफोड करण्यात आली आहे.
यावेळी मंदिर परिसरात समाजकंटकांची मोठी गर्दी होती. महत्त्वाची बाब म्हणजे या प्रकरणी अद्याप कोणावरही कारवाई करण्यात आलेली नाही. व्हिडीओमध्ये अनेक जण हातात काठ्या घेऊन मंदिराच्या आत तोडफोड करताना दिसत आहेत. हा व्हिडीओ सोशल मीडियावर व्हायरल मोठ्या प्रमाणात झाला आहे. या घटनेनंतर परिसरात पोलीस तैनात करण्यात आले आहेत. पंतप्रधान कार्यालयाने या घटनेची दखल घेतली असून मंदिरातील तोडफोड प्रकरणी दोषींवर कारवाईचे आदेशही दिले आहेत.