मुंबई, 23 एप्रिल : मेटाच्या मालकीच्या मेसेजिंग अॅप व्हॉट्सअॅपने एक मोठे अपडेट जारी केले आहे. नवीन अपडेटनंतर यूजर्स आता WhatsApp वर एकाच वेळी 32 लोकांसोबत ग्रुप कॉल करू शकतील. नवीन फीचर हे व्हॉट्सअॅप कम्युनिटी फीचरचा विस्तार आहे. व्हॉट्सअॅपने यापूर्वी 2022 मध्ये ग्रुप कॉलिंगची संख्या 4 वरून 8 केली होती. नवीन अपडेटसह, नवीन डिझाइन देखील समोर आले आहे. याशिवाय स्टिकर्सची जागाही बदलण्यात आली आहे. नवीन अपडेटसह गायब होणारे संदेश जतन करण्याचा पर्याय देखील आहे. व्हॉट्सअॅपच्या 32 लोकांच्या ग्रुप कॉलचे फिचर आयफोनच्या व्हर्जन v22.8.80 आणि Android व्हर्जन v2.22.9.73 वर पाहता येतील. व्हॉट्सअॅप v22.8.80 हे आयफोनसाठी नवीन अपडेटसह App Store वर रिलीज करण्यात आले आहे. या व्हर्जनसह, स्पीकर हाय-लाइट, व्हॉइस संदेशांचे व्हिज्युअलायझेशन आणि स्टिकर्स अपडेट केले जाणार आहे. व्हॉट्सअॅपने गेल्या आठवड्यातच या सर्व सुविधांची घोषणा केली आहे. टेलिग्राममध्ये ग्रुप कॉलसाठी कोणतीही मर्यादा नाही. विना चार्जर iPhone विक्री करणं पडलं महागात, ग्राहकाला द्यावे लागणार 82 हजार रुपये; काय आहे प्रकरण WABetaInfo ने या सर्व नवीन फीचर्सची माहिती दिली आहे. ही सर्व वैशिष्ट्ये सध्या फक्त बीटा आवृत्तीवर आहेत. नवीन अपडेटसह, स्टेटससाठी एक नवीन गोपनीयता वैशिष्ट्य देखील उपलब्ध होईल. नवीन अपडेटनंतर यूजर्स त्यांचे फोटो स्टिकर्ससाठी वापरू शकतात. Android ची बीटा आवृत्ती v2.22.10.9 सह, पूर्वीपेक्षा अधिक इमोजी आणि इमोजी प्रतिक्रियांचा पर्याय देखील असेल. त्याच वेळी, iOS च्या v22.9.0.70 बीटा आवृत्तीसह, गोपनीयतेसाठी प्रगत वैशिष्ट्ये देखील उपलब्ध असतील. दोन्ही अॅपच्या नवीन अपडेटमुळे व्हॉट्स अॅपच्या डिझाइन आणि इंटरफेसमध्येही बदल पाहायला मिळणार आहेत.