कोरोना काळात डिजीटल व्यवहारात मोठी वाढ झाली, तर दुसरीकडे मात्र सायबर क्राईम (Cyber Crime), ऑनलाईन फ्रॉडची (Online Fraud) प्रकरणंही वाढली. युजर्सचा डेटा लीक, अलीकडेच फेसबुक युजर्सचा डेटा लीक (Facebook Data Leaked) झाल्याचं समोर आलं होतं. तुम्ही तुमच्या फेसबुक डेटा बाबतही माहिती घेता येऊ शकते. तुमचा Facebook डेटा लीक झाला आहे का हे एका ट्रिकद्वारे शोधता येऊ शकतं.
Have I Been Pwned? या वेबसाईटवर युजर्सला त्यांचा डेटा लीक झाला आहे की नाही हे समजेल. तुमचा फोन नंबर किंवा ईमेल आयडी लीक झाला आहे की नाही याची माहिती या वेबसाईटवर मिळेल.
Have I Been Pwned? या वेबसाईटवर एक बॉक्स दिसेल, इथे तुमचा फोन नंबर इंटरनॅशनल फॉर्मेटमध्ये टाकावा लागेल. जर तुमचा नंबर 1234567890 आहे, तर तो +911234567890 असा टाकावा लागेल.
Have I Been Pwned? चा अनेक पासवर्ड मॅनेजरद्वारा वापर केला जातो. ही वेबसाईट तुमच्या ईमेल किंवा फोन नंबरवरुन, तुमचा फोन किंवा ईमेल डेटा लीकमध्ये सामिल आहे की नाही याची माहिती मिळवते.