कोरोना काळात डिजीटल व्यवहारात, सोशल मीडिया (Social Media) वापरात मोठी वाढ झाली असताना, दुसरीकडे फसवणुकीचे प्रकारही मोठ्या प्रमाणात वाढले आहेत. फेसबुकवर अनेकांचे प्रोफाईल हॅक करुन, युजरच्या फ्रेंडलिस्टमधील लोकांकडे पैसे मागण्याचं प्रमाण वाढलं आहे. फेसबुक किंवा इतर सोशल मीडिया प्लॅटफॉर्म एकमेकांच्या संपर्कात राहण्यासाठी, काही चांगल्या गोष्टी शिकण्यासाठी कितीही फायदेशीर ठरत असला, तरी याचा वापर काळजीपूर्वक न केल्यास मोठा फटका बसू शकतो. त्यामुळे Facebook Account सुरक्षित ठेवणं गरजेचं आहे.
तुमची फ्रेंडलिस्ट स्वत:साठीच ओपन ठेवा. तुमचे फ्रेंड्स इतरांना दिसू नये यासाठी who can see your friend list मध्ये only me हा पर्याय निवडा.
अनोळखी व्यक्तीने फ्रेंड रिक्वेस्ट न पाठवण्यासाठीचा पर्याय बंद करू शकता. केवळ Friends of Friends हा पर्याय ठेवून अकाउंट अधिक सिक्योर करू शकता.
अनेक जण आपली जन्मतारीख पासवर्ड ठेवतात. यामुळे हॅकर्सला युजर्सचं अकाउंट हॅक करणं लगेच शक्य होतं. Facebook Password मध्ये चुकूनही तुमची पर्सनल माहिती नाव, जन्मतारीख किंवा इतर डिटेल्स ठेवू नका.