आजच्या डिजीटल जगात अनेक कामं ऑनलाइन केली जातात. पैसे ट्रान्सफर करणं, KYC, वेरिफिकेशन, बँकेसंबंधी अशी अनेक कामं ऑनलाइन होतात. आधार कार्ड, पॅन कार्ड, ड्रायव्हिंग लायसन्स, शॉपिंग अशा गोष्टी वेबसाइटवरुन मोठ्या प्रमाणात केल्या जातात. पण या सर्व कामांवेळी वेबसाइट योग्य असणं, ऑथेंटिक-खरी असणं गरजेचं आहे. त्यासाठी काही गोष्टी लक्षात ठेवणं आवश्यक ठरतं.
वेबसाइटचा वेब अॅड्रेस तपासणं गरजेचं आहे. 'HTTP' आणि 'HTTPS' मधील फरक चेक करणं महत्त्वाचं आहे. 'HTTPS' साइट सिक्योर असते. तर 'HTTP' वेबसाइटमध्ये डेटा सुरक्षित सेफ नसतो.
'HTTP' अर्थात hypertext transfer protocol वेबसाइट ऑन डिमांड कनेक्शन बनवते. अशा वेबसाइट तुमचं कनेक्शन सुरक्षित करण्यास वेळ घेत नाही, त्यामुळे युजरचा डेटा सुरक्षित राहत नाही.
'HTTPS' Secure Sockets Layer किंवा Transport Layer Security चा उपयोग करुन युजरचं कनेक्शन एन्क्रिप्ट करतं. म्हणजेच ट्रान्सफर केलेला डेटा तुमच्या आणि रिसीवींग पार्टीमध्येच राहतो.
'HTTPS' याला कोणी हॅकर, स्कॅमर रीड करू शकत नाही. त्यामुळे https वेब अॅड्रेस सुरक्षित ठरतो.
वेबसाइट फेक आहे की नाही हे तपासण्यासाठी वेबसाइटच्या पेजवरील कंटेंटची क्वालिटीही तपासणं महत्त्वाचं आहे.
इथे केवळ वेब अॅड्रेस पेस्ट करावा लागेल आणि Google स्कॅन करुन तुम्हाला वेब अॅड्रेस असली की नकली याची माहिती देईल.