ICC स्पर्धेत पुन्हा टीम इंडियाची निराशा,ऑस्ट्रेलिया बनली वर्ल्ड चॅम्पियन्स
लंडन, 11 जून : भारत विरुद्ध ऑस्ट्रेलिया यांच्यात खेळवण्यात आलेल्या वर्ल्ड टेस्ट चॅम्पियनशिप फायनलमध्ये ऑस्ट्रेलियाने भारताचा दारुण पराभव केला आहे. ऑस्ट्रेलियाने फायनल सामन्यात भारताला 209 धावांनी पराभूत करून तब्बल दुसऱ्यांदा वर्ल्ड टेस्ट चॅम्पियनशिपच्या ट्रॉफीवर नाव कोरल आहे. तर भारताचे पुन्हा एकदा आयसीसी स्पर्धा जिंकण्याच स्वप्न भंगल आहे. लंडन येथील ओव्हल मैदानावर वर्ल्ड टेस्ट चॅम्पियनशिपचा फायनल सामना खेळवण्यात आला होता. या सामन्यावर सुरुवातीपासूनच ऑस्ट्रेलियाचे वर्चस्व राहिले. सामन्याच्या पहिल्या दिवशी 7 जूनला भारताचा कर्णधार रोहित शर्माने टॉस जिंकून प्रथम गोलंदाजीचा निर्णय घेतला. यानंतर मैदानात आलेल्या ऑस्ट्रेलियाच्या फलंदाजांनी मैदानावर धुवाधार फलंदाजी करून तब्बल 469 धावांचा स्कोर उभा केला. यावेळी ऑस्ट्रेलियाच्या ट्रेव्हिस हेड आणि स्टीव्ह स्मिथने शतक ठोकले. तर टीम इंडियाकडून मोहम्मद सिराजने 4 विकेट्स घेतल्या. गिल Out की Not Out? वाचा ग्रीनने घेतलेल्या कॅचबद्दल काय आहे नियम टीम इंडियाच्या फलंदाजीच्या पहिल्या डावात टीम इंडियाने 269 धावा केल्या. यावेळी भारताकडून सर्वाधिक 89 धावा अजिंक्य रहाणेने केल्या, तर शार्दूल ठाकूरने 51 धावा करून अर्धशतक ठोकले. तर टीम इंडियाच्या इतर कोणत्याही फलंदाजाला संघासाठी चांगली कामगिरी करता आली नाही. यावेळी ऑस्ट्रेलियाकडून पॅट कमिन्सने 3 विकेट्स घेतल्या.
दुसऱ्या डावात ऑस्ट्रेलियाने पुन्हा एकदा चांगली फलंदाजी करत 270 धावा केल्या. तर टीम इंडिया दुसऱ्या डावात देखील फलंदाजीत फेल ठरली. टीम इंडियाला केवळ 234 धावा करता आल्या. अखेर 209 धावांनी ऑस्ट्रेलियाने टीम इंडियाचा पराभव करत वर्ल्ड टेस्ट चॅम्पियनशिपची स्पर्धा जिंकली आणि दुसऱ्यांदा वर्ल्ड टेस्ट चॅम्पियनशिपच्या ट्रॉफीवर नाव कोरले. यासह टीम इंडियाला सलग दुसऱ्यांदा आयसीसी ट्रॉफीने हुलकावणी दिली आहे. यापूर्वी आयसीसी टी 20 वर्ल्ड कप 2022 मध्ये देखील सेमी सामन्यात टीम इंडियाचा इंग्लंडकडून पराभव झाला होता.