India vs England : भारताच्या कसोटी संघाचे खेळाडू नुकतेच इंग्लंडला रवाना झाले आहेत. 2021 च्या मालिकेत रद्द करण्यात आलेला पाचवा कसोटी सामना आता खेळला जाणार आहे. भारतीय क्रिकेट नियामक मंडळाने (बीसीसीआय) दौऱ्यापूर्वी विमानतळावरील आणि उड्डाणातील खेळाडूंचे फोटो शेअर केले आहेत.
1 जुलैपासून ओल्ड ट्रॅफर्ड येथे भारताचा सामना इंग्लंडशी होणार आहे. हा सामना भारताच्या 2021 च्या मालिकेतील पाचवा कसोटी सामना म्हणून गणला जाईल, ज्यामध्ये भारत 2-1 ने आघाडीवर आहे. भारतात कोविड-19 चा उद्रेक वाढल्यानंतर अंतिम कसोटी शेवटच्या क्षणी पुढे ढकलण्यात आली होती.
मालिका पुढे ढकलल्यानंतर दोन्ही संघांमध्ये बरेच बदल झाले आहेत. आता दोन्ही संघांचे कर्णधार वेगळे आहेत. विराट कोहली या वर्षाच्या सुरुवातीला भारतासाठी कर्णधार म्हणून पायउतार झाला आणि रोहित शर्माने कर्णधार पद स्वीकारले. तर जो रूटची हकालपट्टी केल्यानंतर अष्टपैलू बेन स्टोक्सने इंग्लंडच्या कर्णधारपदाची धुरा सांभाळली आहे.
दोन्हीकडे नवीन मुख्य प्रशिक्षकही आहेत. रवी शास्त्री गेल्या वर्षी पायउतार झाले आणि राहुल द्रविडने भारताचा पदभार स्वीकारला, तर ख्रिस सिल्व्हरवुडची गेल्या महिन्यात हकालपट्टी झाल्यानंतर ब्रेंडन मॅक्क्युलमची इंग्लंडच्या कसोटी प्रशिक्षकपदी नियुक्ती करण्यात आली.
भारताने अलीकडेच आयर्लंडविरुद्धच्या आगामी दोन सामन्यांच्या T20I मालिकेसाठी त्यांचा संघ जाहीर केला आहे. अष्टपैलू हार्दिक पांड्याकडे कर्णधारपद सोपवण्यात आले असून वेगवान गोलंदाज भुवनेश्वर कुमार उपकर्णधार असेल. दक्षिण आफ्रिकेविरुद्ध सुरू असलेल्या पाच टी-20 सामन्यांच्या मालिकेसाठी संघाचा कर्णधार असलेला ऋषभ पंत नंतर श्रेयस अय्यरसह भारतीय कसोटी संघात सामील होईल.
दक्षिण आफ्रिकेविरुद्ध सुरू असलेल्या पाच टी-20 सामन्यांच्या मालिकेसाठी संघाचा कर्णधार असलेला ऋषभ पंत नंतर श्रेयस अय्यरसह भारतीय कसोटी संघात सामील होईल.