दरवर्षी पावसाळ्यात एकदा तरी पुण्यातला मुठा नदीवरचा बाबा भिडे पूल पाण्याखाली जातो. पण यंदा पूल पाण्यामुळे नाही, तर जलपर्णी आणि पाणवनस्पतींचा ढीग पुलावर आल्याने बंद करण्यात आला आहे.
खडकवासला धरणातून मुठा नदीत झालेल्या विसर्गामुळे नदीपात्रातलं पाणी वाढलं. नदीतली सगळी जलपर्णी वाहात येऊन भिडे पुलाला अडकली.
पाण्यामुळे नाही तर जलपर्णीमुळे पुलावरची वाहतूक ठप्प झाली आहे. हे दृश्य बघण्याकरता पुणेकरांनी एकच गर्दी केली.
दरवर्षी मुसळधार पावसाने भिडे पूल पाण्याखाली जातो, मात्र यावर्षी भिडे पूल जलपर्णीखाली गेला असल्याचं चित्र होतं.