बिबट्याने केली कुत्र्याची शिकार
रायचंद शिंदे, प्रतिनिधी, जुन्नर : मालकाच्या उशाला शांत झोपलेल्या कुत्र्याला दबक्या पावलांनी येऊन कधी बिबट्याने नेलं ते कळलंच नाही. मालकाला कुत्रा ओरडल्याचा आवाज आला म्हणून उठला. दोन मिनिटं काय झालं कळलं नाही म्हणून त्याने आपला मोबाईल काढून सीसीटीव्ही पाहिला तेव्हा हा संपूर्ण प्रकार त्याला समजला. बिबट्या दबक्या पावलांनी आला आणि मालकाच्या उशाशी झोपलेल्या सुरक्षा करणाऱ्या कुत्र्याचीच शिकार करून गेल्याची घटना जुन्नर तालुक्यातील आळेफाटा येथे घडली आहे. हा धक्कादायक प्रकार सीसीटीव्हीत कैद झाला असून या घटनेत तरुण वाचला आहे. बिबट्याने त्याच्यावर कोणताही हल्ला केला नाही.
हरणाजवळ जात गोरिलाने जे काही केलं ते पाहून डोळ्यांवर विश्वास बसणार नाही, मन जिंकणारा VIDEOजुन्नर तालुक्यातील कल्याण-नगर महामार्गावर आळेफाटा परिसरातील ज्ञानेश्वर माऊली बॉडी बिल्डर्स यांच्या पत्रा शेडमध्ये बिबट्या घुसला. त्याने पाळीव कुत्र्याची शिकार केली आणि तो त्याला घेऊन पसार झाला. ही घटना मध्यरात्रीच्या सुमारास घडल्याची माहिती मिळाली आहे.
या व्हिडीओमध्ये तुम्ही पाहू शकता, शेडमध्ये झोपलेला तरुण मात्र बचावला. या घटनेचा सीसीटीव्ही व्हिडीओसुद्धा व्हायरल झाला आहे. घडलेल्या या घटनेने परिसरातील नागरिकांमध्ये भीती निर्माण झाली आहे.
वाघासोबत आरामात फोटो घेत होते दोघे; इतक्यात प्राण्याने असं काही केलं की पाहूनच उडेल थरकाप, VIDEOआळेफाटा परिसरातील कल्याण रोडवर सुदामा मुन्निलाल शर्मा यांचे ज्ञानेश्वर माऊली बॉडी बिल्डर्स या नावाने रिपेअरिंगचे गॅरेज आहे. रविवारी रात्री दिवसभरातील कामे आटोपून त्यांचा मुलगा सुधाकर व पाळीव कुत्रा नेहमीप्रमाणे पत्र्याच्या शेडमध्ये झोपले होते. मध्यरात्री सव्वा दोन वाजताच्या सुमारास बिबट्या वाहनांच्या आडोशाने दबक्या पावलांनी आला.
बिबट्याने अचानक कुत्र्यावर हल्ला केला. कुत्र्याचा आवाज आल्याने सुधाकर यास जाग आली. मात्र, डोळ्यादेखत बिबट्याने कुत्र्याची शिकार करून बिबट्या पसार झाला. या घटनेचा सर्व प्रकार सीसीटीव्हीत कैद झाला आहे. यापूर्वीही अनेकदा बिबट्याने कुत्र्यांची शिकार केली असल्याची सुदामा शर्मा यांचे म्हणणे आहे. या परिसरात तातडीने पिंजरा लावावा अशी मागणी शर्मा यांनी केली आहे.