WhatsApp सर्वाच्याच आयुष्यात महत्त्वाचा भाग झाला आहे. विविध प्रकारच्या कम्युनिकेशनमध्ये व्हॉट्सअॅपचा वापर वाढला आहे. याच्या अधिक वापरामुळे यासंबंधी सायबर क्रिमिनल फ्रॉडही मोठ्या प्रमाणात वाढले आहेत. त्यामुळेच व्हॉट्सअॅपवर आपली सुरक्षा अधिक मजबूत करणं गरजेचं आहे. WhatsApp सेफ्टी फीचर्सच्या मदतीने तुमचं चॅट अधिक प्रोटेक्टिव्ह करू शकता.
WhatsApp वर तुमचं प्रोफाईल कोण-कोण पाहू शकतं, हा ऑप्शन असतो. यासाठी सेटिंगमध्ये अकाउंटवर क्लिक करावं लागेल. त्यानंतर प्रायव्हसीमध्ये प्रोफाईल फोटोबाबत ऑप्शन दिसतील, यात My Contacts सिलेक्ट करा.
वाढत्या सायबर क्राईमच्या काळात, तुमचे कोणतेही बँकिंग डिटेल्स कोणाशीही शेअर करू नका. WhatsApp किंवा इतर सोशल मीडिया साईटवरही बँकिंग, पीन नंबर, आधार नंबर शेअर करू नका.
कोणत्याही अनोळखी नंबरवरुन आलेल्या मेसेजवर रिप्लाय करताना सावधगिरी बाळगा. आजकाल फ्रॉड करणारे वेगवेगळ्या कंट्री कोडचा वापर करुन लोकांची फसवणूक करत आहेत.
WhatsApp मध्ये Two-factor Authentication हे फीचर अकाउंटला डबल लॉक सेट करतं. पहिल्या लेवलवर युजर आपल्या अकाउंटला फेस-लॉक, फिंगरप्रिंट लॉक किंवा कोड लॉकने सिक्योर करू शकता. आणि दुसऱ्या लेवलवर रजिस्टर्ड नंबर अॅड करू शकता.
ज्यावेळी मेन डिव्हाईस चेंज कराल किंवा एखाद्या नव्या डिव्हाईसवर तुमचं व्हॉट्सअॅप अकाउंट सेट करायचं असेल, त्यावेळी रजिस्टर्ड मोबाईल नंबरवर OTP पाठवला जाईल. हा OTP नव्या डिव्हाईसमध्ये व्हॉट्सअॅप अकाउंट सेट करण्यासाठी वापरावा लागेल. महत्त्वाची बाब हा ओटीपी कोणाशीही शेअर करू नका. कोणी एखादा तुमच्या अकाउंटमध्ये लॉगइन करण्याचा प्रयत्न करत असल्यासही ओटीपी येऊ शकतो. त्यामुळे तुमच्या फोनवर आलेला ओटीपी कोणाशीही शेअर करू नका.