उत्तर प्रदेश, 28 मे: बरेलीतील (Bareilly) बलात्कार पीडितेने गळफास घेऊन आत्महत्या (Committed suicide) केल्याची घटना समोर येत आहे. या प्रकरणातून समोर आलेल्या गोष्टी हृदय पिळवटून टाकणाऱ्या आहेत. 14 वर्षीय बलात्कार पीडित मुलीच्या आत्महत्येचे कारण, आरोपीला योग्य कारवाईच्या कक्षेत आणले जात नाही. खरं तर, जेव्हा मुलीने गळफास लावून घेतला तेव्हा पीडितेचे पालक घरातील दुसऱ्या खोलीत बलात्काराच्या आरोपीच्या कुटुंबीयांशी सामंजस्य करण्याबाबत बोलत होते. बलात्कार करणारा आरोपीच्या कुटुंबीयांशी मुलीच्या कुटुंबियातील सदस्यांची चर्चा सुरू होती. या घटनेने पीडितेच्या न्यायाच्या आशा पल्लवित झाल्या आणि तिने आपले जीवन संपवलं. हे प्रकरण रामपूरमधील एका गावातील आहे. येथे गुरुवारी रात्री बलात्कार आरोपी तरुणाचे नातेवाईक गावातील इतर प्रमुख लोकांसह मुलीच्या घरी करार करण्यासाठी आले होते. याप्रकरणी गुन्हा दाखल करू नये, अशी अट त्यांनी पीडितेच्या पालकांसमोर ठेवली. मुलगा भविष्यात मुलीचा पाठलाग करणार नाही. त्या बदल्यात मुलगा मुलगी प्रौढ झाल्यावर तिच्याशी लग्न करेल. मुलीला हे मान्य नव्हते. हे संभाषण सुरू असतानाच मुलीने दुसऱ्या खोलीत गळफास लावून आत्महत्या केली. मुलीच्या भावाने दिली माहिती मृत मुलीच्या मोठ्या भावाने सांगितले की, माझी बहीण 22 मे पासून खूप अस्वस्थ होती. प्रत्यक्षात शेजारी राहणाऱ्या मुलाने घरात एकटी पाहून तिच्यावर बलात्कार केला होता. त्यांनी सांगितलं की, घटनेच्या दिवशी आम्ही दुसऱ्या ठिकाणी गेलो होतो. आमच्या आई-वडिलांनी या आरोपाविरुद्ध गुन्हा दाखल करावा, अशी माझ्या बहिणीची इच्छा होती. मुलीनं मुलावर बलात्काराचा आरोप केला होता. या प्रकरणी कुटुंबीयांमध्ये करार झाल्याचे समजताच तिला धक्काच बसला. पॉक्सो कायद्यान्वये गुन्हा दाखल एएसपी संसार सिंह यांनी सांगितले की, बलात्काराच्या आरोपीने स्वत: 17 वर्षांचा असल्याचा दावा केला आहे. आम्ही त्याचे रेकॉर्ड तपासत आहोत. आरोपीचे नेमके वय किती आहे याची माहिती घेतली जात आहे. आरोपींविरुद्ध आयपीसी कलम 376 (बलात्कार), 306 (आत्महत्येला प्रवृत्त करणे) आणि पॉक्सो कायद्यांतर्गत गुन्हा दाखल करण्यात आला आहे. आरोपीला पकडून बालसुधारगृहात पाठवण्यात आले आहे. त्याच्यावर प्रौढ म्हणून खटला चालवायचा की नाही हे बाल न्याय मंडळ ठरवेल. या प्रकरणी लवकरच आरोपपत्र दाखल करणार आहोत. एकतर्फी प्रेमातून 6 मुलांच्या आईवर चाकूनं वार, हल्ल्याचा थरार कॅमेऱ्यात कैद एएसपी म्हणाले की, मी सीओ ओंकारनाथ शर्मा आणि एसडीएम अरुणमणी त्रिपाठी यांच्यासह घटनास्थळी भेट दिली आणि परिस्थितीचा आढावा घेतला. मुलीच्या कुटुंबीयांनी गुरुवारी रात्री आत्महत्या करेपर्यंत कधीही पोलिसांशी संपर्क साधला नाही. पीडित मुलीचे वडील व्यापारी आहेत. स्थानिक लोकांनी थांबवल्याचा आरोप मुलीने संपूर्ण प्रकरण सांगितल्यानंतर कुटुंबीयांना पोलिस तक्रार करायची होती, असे मृत मुलीच्या भावाने सांगितले. मात्र तेथे राहणाऱ्या वयस्कर लोकांनी त्याला तसे करण्यापासून रोखले. ज्या मुलाने तिच्यावर बलात्कार केला होता त्याच मुलाशी काही वर्षांनी माझ्या बहिणीचे लग्न लावून द्या,असे त्यांनी सुचवलं. याबाबत चर्चा सुरू होती. माझी बहीण खूप अस्वस्थ होती. तिला फसवणूक आणि अपमान वाटले. त्याच नैराश्यातून तिनं आपलं जीवन संपवलं.