सतना, 9 फेब्रुवारी : मध्य प्रदेशातील (Madhya Pradesh, Satna) सतनामधील टाउन हॉल परिसरात राष्ट्रमाता सावित्रीबाई फुले यांचा पुतळा चोरी करण्यात आल्याचा धक्कादायक प्रकार समोर आला आहे. या घटनेचा निषेध केला जात आहे. जिल्हा प्रशासनाकडून आरोपींवर कारवाई करीत अटक करण्याची मागणी केली जात आहे. याशिवाय 24 तासाच्या आत कारवाई करीत दुसरी प्रतिमा स्थापित करावी असं आवाहन केलं जात आहे. सोशल मीडियावर या घटनेचा तीव्र विरोध केला जात आहे. अद्याप या प्रकरणात कोणा समाजकंटकांनी हे कृत्य केलं याबाबत कोणतीही माहिती हाती आलेली नाही. सावित्रीबाईंच्या प्रतिमेशेजारी महात्मा ज्योतिबा फुलेंची प्रतिमा आहे. मात्र काही समाजकंटकांनी महात्मा फुलेंच्या शेजारील सावित्रीबाईंची प्रतिमा चोरून नेल्याचं दिसत आहे.
बातमी अपडेट होत आहे.