Mudhol Hound: मराठमोळ्या श्वानांवर पंतप्रधानांच्या सुरक्षेची जबाबदारी; मुधोळ हाऊंड मोदींच्या रक्षणासाठी होणार तैनात
मुंबई, 23 ऑगस्ट: देशाच्या पंतप्रधानपदी विराजमान असणाऱ्या व्यक्तीच्या जीवाला कायमच धोका असतो, त्यामुळं या पदावरील व्यक्तीच्या सुरक्षेसाठी खास व्यवस्था तैनात केलेली असते. भारताचे पंतप्रधान नरेंद्र मोदी (Pm Narendra Modi) हे केवळ देशातीलच नाही, तर संपूर्ण जगातील प्रभावी नेत्यांपैकी एक आहेत. धाडसी निर्णय घेण्यासाठी ते प्रसिद्ध आहेत. परंतु त्यामुळं त्यांच्या सुरक्षेची मोठी काळजी घेतली जाते. अत्याधुनिक अशा गाड्यांपासून ते विशेष प्रशिक्षण घेतलेले आणि घातक शस्त्रांस्त्रांनी सज्ज असे बॉडीगार्ड पंतप्रधानांच्या सुरक्षेसाठी कायम तैनात असतात. परंतु आता पंतप्रधान मोदींच्या सुरक्षेसाठी नवा प्लॅन बनवला गेलाय. येथून पुढं पंतप्रधानांच्या नियमित सुरक्षा व्यवस्थेत आणखी एका गोष्टीची भर पडणार आहे. ते म्हणजे मुधोळ हाऊंड श्वान. मुधोळ हाऊंड श्वान इथून पुढे पंतप्रधानांच्या सुरक्षा व्यवस्थेचा भाग असणार आहेत. विशेष छत्रपती शिवाजी महाराजांच्या सेनेमध्येही या मुधोळ हाऊंडनी मोठं शौर्य गाजवलं होतं. आता हेच श्वान मोदींच्या सुरक्षेसाठी सज्ज आहेत. चला जाणून घेऊया तीक्ष्ण नजर, शौर्य आणि प्रामाणिकपणाचं उत्कृष्ट उदाहरण असलेल्या मुधोळ हाऊंड श्वानाची वैशिष्ट्ये: