नवी दिल्ली 03 ऑगस्ट : पठाणकोटमधील रणजित सागर धरणाजवळ भारतीय लष्कराचं हेलिकॉप्टर कोसळलं (Chopper Crashed in Ranjit Sagar Dam) आहे. पोलीस आणि सैन्याची टीम घटनास्थळी दाखल झाली आहे. ही घटना 3 ऑगस्ट रोजी सकाळी 10 वाजून 20 मिनिटाच्या सुमारास घडली. वैमानिक आणि सह-वैमानिक दोघंही या अपघातातून बचावले आहेत. एनडीआरएफच्या टीमसह पोलीस याठिकाणी बचावकार्य करत आहेत. ढिगारा हटवण्याचे प्रयत्न सुरू आहेत. जम्मू-काश्मीर पोलीस, एनडीआरएफ आणि पंजाब पोलिसांची टीम घटनास्थळी पोहोचली आहे.