Happy New Year 2022: 'या' खास आणि प्रसिद्ध ठिकाणी सेलिब्रेट करा नववर्ष, पाहा PHOTOS

गोवा : सुंदर समुद्रकिनाऱ्यांसाठी प्रसिद्ध असलेलं गोवा हे भारतातील सर्वात रोमांचक ठिकाणांपैकी एक आहे. वर्षभर पर्यटक येथे येत असतात, परंतु नवीन वर्षाच्या गोव्याचे नाइटलाइफ, समुद्रकिनाऱ्यावर रात्रीच्या पार्ट्या, पब, बार आणि कॉकटेल, दिव्यांनी उजळलेले रस्ते पर्यटकांना सर्वात जास्त आकर्षित करतात. मात्र यावेळी ओमिक्रॉनमुळे इतक्या पार्ट्या होणार नाहीत. गोव्यात कलंगुट बीच, अंजुना बीच, फोर्ट अगोदर, चर्च, दूधसागर धबधबा यांसारखी उत्तम ठिकाणे आहेत. नवीन वर्ष साजरे करण्यासाठी गोवा हे भारतातील सर्वोत्तम ठिकाणांपैकी एक आहे.

दिल्ली : नवीन वर्षाच्या सेलिब्रेशनसाठी दिल्ली हा एक चांगला पर्याय आहे. दिल्लीत राहूनही दिल्लीकर त्यांच्या नवीन वर्षाच्या उत्सवाचा पुरेपूर आनंद घेऊ शकतात. पार्टी प्रेमींसाठी दिल्लीत नवीन वर्ष साजरे करणे हा एक चांगला पर्याय आहे. जर तुम्ही दिल्लीत राहत असाल तर कुठेही न जाता तुमचे नवीन वर्ष संस्मरणीय बनवू शकता.

केरळ : दक्षिण भारतात नवीन वर्ष साजरे करण्यासाठी केरळ हे सर्वोत्तम ठिकाण आहे. लोक निसर्गाच्या सुंदर दृश्यांचा आणि समुद्रकिनाऱ्यावर नवीन वर्षाच्या पार्टीचा आनंद घेतात. तुम्हालाही निसर्गाच्या सानिध्यात राहून नववर्ष साजरे करायचे असेल, तर केरळ हा एक चांगला पर्याय ठरू शकतो.

मनाली : 2021 या वर्षात पर्वतांमध्ये राहून नवीन वर्षाचे स्वागत करण्याची एक वेगळीच मजा असते. मनालीमध्ये कुटुंब, मित्र आणि खास लोकांसोबत खाजगी पद्धतीनं नवीन वर्ष साजरे करून तुम्ही तुमचे नवीन वर्ष संस्मरणीय बनवू शकता. मनालीच्या अनेक हॉटेल्समध्ये नवीन वर्षाच्या पार्ट्या आयोजित केल्या जातात.

जयपूर : राजस्थानची राजधानी जयपूर हे या राज्याचे सर्वात मोठे शहर आहे. याची स्थापना 18 नोव्हेंबर 1727 रोजी महाराजा जयसिंह दुसरे यांनी केली होती. जयपूरमध्ये राहून तुम्ही नवीन वर्षाचं अनेक प्रकारे स्वागत करू शकता. तुम्हाला हवं असल्यास चौकी धानीला भेट देऊन सांस्कृतिक नृत्य, कला, संगीत आणि राजस्थानी खाद्यपदार्थांचा आनंद लुटू शकता. याशिवाय येथील अनेक पबमध्ये न्यू इयर पार्टीचं आयोजन केलं जातं.