चंदीगड, 21 मे: मोगाजवळील बाघापुराना याठिकाणी असणाऱ्या लंगियाना खुर्द या गावात भारतीय वायूसेनेचे (Indian Air Force) एक फायटर जेट मिग-21 बिसॉन (MiG-21 Bison Fighter Aircraft) दुर्घटनाग्रस्त झाल्याची माहिती मिळते आहे. मिळालेल्या माहितीनुसार ट्रेनिंग दरम्यान पायलट अभिनव चौधरी यांनी मिग-21 (MiG-21 Fighter Aircraft) मधून राजस्थानातील सूरतगडमधून हलवारा आणि हलवारामधून सूरतगडसाठी उड्डाण केलं होतं. यावेळी बाघापुरानाच्या जवळपास त्यांचं फायटर जेट क्रॅश झालं आहे. या अपघातामध्ये पायलट अभिनव चौधरी यांचा मृत्यू झाला आहे.
अपघाताची माहिती मिळताच भारतीय वायूसेनेने घटनास्थळी त्यांची एक टीम पाठवली आहे. मिळालेल्या माहितीनुसार शोधमोहीम केल्यानंतर पायलट अभिनव यांचा मृतदेह सापडला आहे. वायू सेनेच्या अधिकाऱ्यांनी दुर्घटनेचं कारण शोधण्याचे आदेश दिले आहेत. अद्याप ही घटना कशी घडली याबाबत ठोस कारण समोर आलेलं नाही आहे. या घटनेचा एक व्हिडीओ देखील सोशल मीडियाच्या माध्यमातून समोर आलेला आहे.
दरम्याना ही घटना कशामुळे घडली याचा तपास केला जात आहे. वायू सेनेच्या अधिकाऱ्यांनी दुर्घटनेचं कारण शोधण्याचे आदेश दिले आहेत.