मुंबईतील कोरोनाबाधितांना पुण्याच्या वॉररुममधून फोन, नितेश राणेंचा अजब दावा

मुंबई, 11 मे: राज्यात कोरोनाने (Maharashtra corona cases) थैमान घातले आहे. राज्यात कोरोनाची तिसरी लाट येण्याची भिती वर्तवली जात आहे. पण अशा परिस्थितीतही राजकीय आरोप-प्रत्यारोप सुरूच आहे. भाजपचे (BJP) आमदार नितेश राणे (Nitesh Rane) यांनी मुंबईतील (Mumbai corona cases) कोरोनाबाधित रुग्णांना पुण्यातील वॉररुममधून फोन येतात, असा दावाच केला आहे. महाविकास आघाडी सरकारवर एकदाही टीकेची संधी न सोडणारे भाजप आमदार नितेश राणे यांनी पुन्हा एकदा गंभीर गंभीर आरोप केला आहे. मुंबईतील कोरोनाबाधित रुग्णांची नोंद मुंबई सोडून पुणे आणि इतर शहरात करणे हाच मुंबई पॅटर्न आहे का? असा सवाल करत नितेश राणेंनी मुंबई पॅटर्नची खिल्ली उडवली आहे.

मुंबईमध्ये कोरोनाबाधित रुग्णांना पुण्यातील वॉररुममधून फोन कॉल येतो, अशा प्रकार या महाविकास आघाडी सरकारने कोरोनाबाधित रुग्णांची आकडेवारी कमी दाखवत आहे, असा आरोपही राणेंनी केला.

कोरोना रुग्ण हे मुंबईतून पुण्यात हलवले जातात, पण रुग्ण हलवले जात नसून फक्त आकडेवारी हलवली जात आहे. त्या रुग्णांची नोंद इतर शहरात होत आहे. त्यामुळे मुंबईची आकडेवारी ही इतर शहरांच्या मानाने कमी दाखवली जात आहे, असंही नितेश राणे म्हणाले.

• First Published : May 11, 2021, 11:51 am IST