मुंबईत पूर्वमान्सून पावसाच्या सरींनीच सखल भागात पाणी साठलं. त्याचे फोटो पाहा. त्यातच हवामान विभागाने वीकएंडला मुसळधार पावसाचा इशारा दिला आहे.
मुंबईत अजूनही मान्सून पोहोचल्याचं अधिकृतरीत्या जाहीर झालेलं नसलं तरी मंगळवारपासून पूर्वमोसमी पावसाने शहर आणि उपनगरात दमदार हजेरी लावली.
10 तारखेपर्यंत मान्सून मुंबईत पोहोचेल आणि त्यानंतर दमदार बॅटिंग सुरू होईल, असा अंदाज आहे. हवामान विभागाचे जयंता सरकार यांनी मुंबईसाठी Weekend Alert ही जारी केला आहे.
शुक्रवारपासून - 11 जून ते15 जून दरम्यान मुंबई, ठाणे आणि परिसरात मुसळधार पावसाचा इशारा देण्यात आला आहे.
पूर्व मान्सूनच्या सरींनंतर मुंबईच्या सायन भागात रस्ते पाण्याने भरले होते. मुंबईकरांना पुढच्या धोक्याची चुणूक या पावसानेच दिली.