महाविकास आघाडी सरकार कोसळल्यानंतर राष्ट्रवादीचे अध्यक्ष शरद पवार यांनी राष्ट्रवादीच्या नेत्यांची मुंबईत बैठक घेतली.
मुंबई, 12 जुलै : शिवसेनेत बंड पुकारून एकनाथ शिंदे (eknath shinde) यांनी भाजपसोबत सरकार स्थापन केले आहे. महाविकास आघाडी सरकार कोसळल्यानंतर राष्ट्रवादीचे अध्यक्ष शरद पवार (sharad pawar) यांनी बैठक घेतली. यावेळी, ‘भाजपला दूर ठेवण्यासाठी महाविकास आघाडी (mva government) आगामी स्थानिक स्वराज्य संस्थांच्या निवडणुका या एकत्र लढणार’ अशी घोषणा पवारांनी केली आहे. तसंच, आमदार फुटले असले तरी शिवसैनिक हे उद्धव ठाकरेंसोबतच आहे, असंही पवार म्हणाले. महाविकास आघाडी सरकार कोसळल्यानंतर राष्ट्रवादीचे अध्यक्ष शरद पवार यांनी राष्ट्रवादीच्या नेत्यांची मुंबईत बैठक घेतली. या बैठकीला राष्ट्रवादीचे सर्व आमदार हजर होते. या बैठकीनंतर हेमंत तपासे यांनी माध्यमांना माहिती दिली. पवारांनी कार्यकर्त्यांशी संवाद साधला. महाराष्ट्रामध्ये सत्ता गेली तरी फरक पडत नाही. निवडणुकांसाठी आमचे कार्यकर्ते तयार आहे. ओबीसी आरक्षणाशिवाय निवडणुका होऊ नये विरोधी पक्ष म्हणून आम्ही आग्रही भूमिका घेणार आहोत, असं हेमत तपासे यांनी सांगितलं. ( कान्होपात्रा आता घेणार ‘विकेट’; तितिक्षा तावडेचा आगळावेगळा अंदाज पाहिलात का? ) भाजपला दूर ठेवण्यासाठी आगामी स्थानिक स्वराज्य संस्थांच्या निवडणुका या महाविकास आघाडी म्हणून एकत्र लढणार आहोत. उद्धव ठाकरे यांची शिवसेना हीच खरी शिवसेना आहे. आज आमदार जरी विभागले गेले असले तरी कार्यकर्ते तळागळातील शिवसैनिक ठाकरे सोबत आहेत, असंही पवारांनी सांगितलं. जितेंद्र आव्हाड मुख्यमंत्री एकनाथ शिंदेंच्या भेटीला दरम्यान, राष्ट्रवादीचे अध्यक्ष शरद पवार यांच्या नेतृत्वाखाली मुंबईतील यशवंत चव्हाण सेंटरमध्ये बैठक सुरू असताना जितेंद्र आव्हाड हे मुख्यमंत्री एकनाथ शिंदे यांच्या भेटीला पोहोचले होते. ‘मुख्यमंत्री झाल्यापासून माझी आणि त्यांची भेट झाली नव्हती. माझ्या भागातील विकासकामांसाठी मी त्यांना भेटण्यासाठी गेलो. आधीच्या मुख्यमंत्र्यांचा पुरेसा वेळ मला मिळाला नाही, असं म्हणत आव्हाड यांनी उद्धव ठाकरेंवर टीका केली. ठाण्यातील बायपास खराब झाला आहे. त्यावर उपाययोजना करावी अशी मागणी मी मुख्यमंत्री एकनाथ शिंदे यांच्याकडे केली. मुख्यमंत्री झाल्या नंतर ही माझी पहिली सदिच्छा भेट होती. मी पुन्हा त्यांची भेट मागितली आहे. त्यांनी भेटीसाठी वेळ दिला आहे, असंही आव्हाड यांनी सांगितलं.