Budget 2021: अर्थमंत्री निर्मला सीतारामन यांनी आज केंद्रीय अर्थसंकल्प सादर केला. त्यांनी सादर केलेल्या अर्थसंकल्पानुसार सामान्यांच्या जीवनात काही महत्त्वाचे बदल होणार आहेत. विदेशी मोबाइल, कापूस, सोलर इन्व्हर्टर यांसारख्या वस्तू महागणार आहेत. जाणून घ्या काय स्वस्त होणार आहे.
0 टक्के कस्टम ड्यूटी असणाऱ्या मोबाइल पार्ट्सवर आता 2.5 टक्के कस्टम ड्यूटी असणार आहे. त्यामुळे काही कंपन्या ज्या मोबाइल पार्ट्स बाहेरून मागवतात आणि भारतात ते असेंबल करतात, त्यांच्या किंमती वाढणार आहेत. शिवाय मोबाइल चार्जर आणि मोबाइल देखील महागणार आहे.
स्टील उत्पादनांवरची कस्टम ड्युटी कमी करून आता 7.5 टक्क्यांवर आणली आहे. तांब्यावरची कस्टम ड्युटी कमी करून 2.5 टक्के केली आहे
अर्थमंत्र्यांनी अशी घोषणा केली आहे की, सोलर इन्व्हर्टरवर कस्टम ड्यूटी 20 टक्क्यांपर्यंत वाढवण्यात आली आहे. त्यामुळे यांच्या किंमतीत देखील वाढ होईल