नवी दिल्ली, 17 एप्रिल : आज रविवारी सरकारी तेल कंपन्यांनी पेट्रोल-डिझेलचे नवे रेट जारी केले आहेत. पेट्रोल-डिझेलच्या किमतीत दररोज 80 पैसे प्रति लीटर होणारी वाढ काहीशी थांबली आहे. एका आठवड्यापूर्वी दररोज पेट्रोल-डिझेलच्या दरात 80 पैशांची वाढ होत होती. आज मुंबई-दिल्लीसह देशातील चार महानगरात आणि प्रमुख शहरांत इंधन दरात कोणताही बदल (Petrol-Diesel Price Today) झालेला नाही. सरकारी कंपन्यांनी सलग 11 व्या दिवशी पेट्रोल-डिझेल दर स्थिर ठेवला आहे. यामुळे काही प्रमाणात ग्राहकांना दिलासा मिळाला आहे. याआधी तेल कंपन्यांनी सलग 14 वेळा किमतीत वाढ केली होती. यात इंधन दर 10.20 रुपयांनी वाढला होता. आता दिल्लीत पेट्रोल 105.41 रुपये आहे. तर मुंबईत 120.51 रुपये लीटर भाव आहे. सर्वाधिक डिझेल दर मुंबईत 104.77 रुपये लीटर आहे. चार महानगरात पेट्रोल-डिझेल दर - – दिल्लीत पेट्रोल 105.41 रुपये आणि डिझेल 96.67 रुपये प्रति लीटर – मुंबईत पेट्रोल 120.51 रुपये आणि डिझेल 104.77 रुपये प्रति लीटर – चेन्नईमध्ये पेट्रोल 110.85 रुपये आणि डिझेल 100.94 रुपये प्रति लीटर – कोलकातामध्ये पेट्रोल 115.12 रुपये आणि डिझेल 99.83 रुपये प्रति लीटर पेट्रोल-डिझेल दर तुम्ही SMS द्वारेही (How to check Diesel Petrol Price Daily) जाणून घेऊ शकता. तुम्ही 92249 92249 वर SMS पाठवून आपण पेट्रोल आणि डिझेलच्या किंमतीबद्दल देखील जाणून घेऊ शकता. इंडियन ऑइलच्या वेबसाइटनुसार आपल्याला RSP<स्पेस> शहराचा कोड लिहावा लागेल आणि तो 92249 92249 वर पाठवावा लागेल. प्रत्येक शहराचा एक वेगळा कोड असतो. IOCL च्या वेबसाइटवर तुम्हाला हा कोड मिळेल.
देशातील तीन ऑईल मार्केटिंग कंपन्या HPCL, BPCL आणि IOCL रोज सकाळी 6 वाजता पेट्रोल-डिझेलचे नवे दर जाहीर करतात. पेट्रोल-डिझेल दरात एक्साइज ड्यूटी, डिलर कमीशन आणि इतर गोष्टी जोडल्यानंतर याचा किंमत दुप्पट होते. 22 मार्चपासून सुरू झालेली पेट्रोल आणि डिझेलची किंमत 14 वेळा वाढल्यानंतर थांबली. पेट्रोल पंप डीलर्सचं म्हणणं आहे की जागतिक बाजारात कच्च्या तेलाच्या किमती स्थिर झाल्या आहेत, त्यामुळे कंपन्यांनीही त्यांच्या किमती वाढवणं थांबवलं आहे. असं असलं तरी, गेल्या 14 दरवाढीमध्ये पेट्रोल आणि डिझेल आधीच 10 रुपयांनी महाग झाले आहे आणि कंपन्यांना सध्याच्या किमतीत पूर्ण मार्जिनही मिळत आहे.