मुंबई, 15 एप्रिल : नोकरदार लोकांना निवृत्तीनंतरच्या (Retirement Planning) आयुष्याची जास्त काळजी असते. विशेषत: खासगी कंपन्यांमध्ये काम करणाऱ्यांना निवृत्तीनंतर आपला खर्च कसा निघणार याचीच जास्त चिंता असते. तुम्हीही खाजगी कंपनीत काम करत असाल आणि निवृत्तीनंतर आर्थिक संकटातून जाण्याची इच्छा नसेल तर आतापासूनच पेन्शनसाठी गुंतवणूक (Pension Scheme) सुरू करा. यासाठी नॅशनल पेन्शन सिस्टीम (National Pension System) तुमच्यासाठी एक उत्तम पर्याय ठरू शकते. याद्वारे गुंतवणूक करून, तुम्ही निवृत्तीसाठी एक मोठा निधी बनवू शकता जेणेकरून पेन्शन नियमितपणे येत राहील. तुम्हाला या योजनेची संपूर्ण माहिती देत आहोत. नोकरीच्या सुरुवातीपासूनच गुंतवणूक करा नोकरी सुरू केल्यापासून सेवानिवृत्तीचे नियोजनही केले पाहिजे जेणेकरून त्या वेळी जास्तीत जास्त पेन्शन मिळू शकेल. जर एखाद्याने वयाच्या 21 व्या वर्षापासून NPS मध्ये दर महिन्याला 4,500 रुपये गुंतवले, तर वयाच्या 60 व्या वर्षापर्यंत तो 39 वर्षांसाठी गुंतवणूक करेल. म्हणजेच 54,000 रुपये वार्षिक दराने, 39 वर्षांमध्ये त्यांची गुंतवणूक 21.06 लाख रुपये होईल. एनपीएसमध्ये सरासरी 10 टक्के परतावा दिल्यास,मॅच्युरिटीवर त्याला 2.59 कोटी रुपये मिळतील. त्यानुसार वयाच्या 60 व्या वर्षी निवृत्त झाल्यावर दरमहा 51,848 रुपये पेन्शन मिळेल. ही गणना अंदाजानुसार करण्यात आली आहे. तसे, NPS मध्ये सरासरी 8 ते 12 टक्के परतावा मिळतो. घर बूक केलंय पण बिल्डिंगचं काम रखडलंय? अशा वेळी नुकसान टाळण्यासाठी तुम्ही काय-काय करु शकता NPS मध्ये, जर तुम्ही 40 टक्के एन्युटी घेतली आणि वार्षिक दर 6 टक्के असेल, तर निवृत्तीनंतर तुम्हाला एकरकमी 1.56 कोटी रुपये मिळतील. उर्वरित 1.04 कोटी रुपये एन्यटीकडे जातील. यातून दरमहा निवृत्ती वेतन दिले जाईल. अॅन्युइटीची रक्कम जितकी जास्त असेल तितकी पेन्शन जास्त असेल. NPS खाते कसे उघडायचे? » तुम्ही एनपीएस खाते ऑनलाइन उघडू शकता. यासाठी Enps.nsdl.com/eNPS किंवा Nps.karvy.com उघडा. » पेज ओपन झाल्यानंतर नवीन नोंदणीवर क्लिक करा आणि आपल्या मोबाइल नंबरसह सर्व तपशील भरा. » तुमचा मोबाईल नंबर ओटीपीने पडताळला जाईल. त्यानंतर बँक खात्याचे तपशील भरा. » तुमचा पोर्टफोलिओ आणि फंड निवडा. » तुम्ही ज्या बँक खात्याचा तपशील भरला आहे त्याचा कॅन्सल चेक, तुमचा फोटो आणि स्वाक्षरी तुम्हाला अपलोड करावी लागेल. » यानंतर एनपीएसमध्ये तुम्हाला हवी तेवढी गुंतवणूक करा. » पेमेंट केल्यानंतर, तुमचा कायम निवृत्ती खाते क्रमांक तयार केला जाईल. पेमेंट पावती देखील उपलब्ध असेल. Health Insurance: ‘या’ कंपनीकडून आरोग्य विमा खरेदी करु नका, विमा नियामक IRDA चा सावधगिरीचा इशारा गुंतवणूक केल्यानंतर, ई-साइन/प्रिंट नोंदणी फॉर्म पेजवर जा. येथे तुम्ही पॅन आणि नेटबँकिंगमध्ये नोंदणी करू शकता. यासह तुमचे KYC केले जाईल. नोंदणी करताना लक्षात ठेवा की तुम्ही बँक खात्यात दिलेला तपशील त्याच्याशी जुळला पाहिजे. 22 बँका सध्या ऑनलाइन NPS ची सुविधा देत आहेत. त्यांची संपूर्ण माहिती NSDL च्या वेबसाईटवर मिळेल.